MAGAZINE MD#Edisaun_II#Free download.

MD Husu Autoridade Lokal Konsensializa Komunidade Kona-ba Vasinasaun

Bobonaro: Ministru Defeza Brig-Gen (Ref), Filomeno da Paixão de Jesus, iha Tersa-feira horsehik, vizita Munisipiu Bobonaru, Postu Administrativu Maliana, hodi hala’o sosializasaun kona-ba kombate Covid-19, tanba ne’e Ministru husu ba autoridade lokal sira atu konsensializa komunidade hodi ba tuir vasinasaun.

“Ha’u mai atu koalia polítika VIIIGovernu Konstitusionál kona-ba moras COVID-19, Primeiru Ministru husu ba ministériu sira atu hatoo mensazem ba komunidade sira kona-ba importansia husi vasinasaun, ida ne’e mak governu nia responsablidade ba kestaun ne’e,”dehan Ministru Defeza bainhira hala’o sosializasaun iha edifisiu administrasaun Maliana Vila.

Ministru Defeza esplika, nasaun boot hanesan Estadus nidus Amérika, Rusi, China, Eropa iha matenek barak, sedauk deskobre aimoruk ba moras COVID-19 maibé iha de’it mak vasina. vasina sempre iha nia efisiensia laiha vasina ida mak laiha efisiensia ne’e hodi aumenta imunidade, estadu laos bulak lori vasina mai atu oho populsaun, tanba ne’e labele atu eskolaha vasina.

Bainhira moras ne’e mosu iha ita nia nasaun Primeiru Ministru Taur Matan Ruak  preokupa ona, hanoin povu entaun foti lalais desizaun hodi implementa Estadu Emerjensia. Tetu halo didiak mak dehan Astrazeneca ladiak.

Prezidente Autoridade Munisipiu Bobonaro Sr.Ernesto de Oliveira Barreto hatutan, ho prezensa Xefe Suku sira ne’ebé hala’o serbisu iha terenu hodi fohatene ba komunidade sira ba tuir vasinasaun. tenke hatene vasina ne’e laos foin akontese agora, dezde uluk malae mutin nia tempu vasina ida hanaran Sagra ema ba tuir,  ema ne’ebé mate ne’e nia distinu laos aimoruk mak halo.

 “Ha’u husu ba funsionariu hotu ne’ebé marka tempu mai  labele sai fali opozisaun ba governu, tanba moras ne’e laos iha Timor de’it ne’e akontese iha mundu tomak, husu nafatin naiulun Xefe Suku atu haklean liutan kona-ba program ida ne’e,”tenik Administradór ne’e.

Iha serimonia sosializasaun ne’e Xefe suku sira iha Postu Administrativu Maliana informa, ba dadaun ne’e sira nia populasaun barak mak kuaze simu ona vasina, iha balun mak sei tauk tanba ina informasaun barak katak vasina hamete ema, maibé Xefe Suku sira enkoraza nafatin hodi labele atu tauk ba vasina tanba ida me’e de’it mak dalan uniku hodi kombate moras COVID-19.

Média MD

Deskulpa - Komentariu ami Taka

error: Deskulpa Kontent ami protected !!