MAGAZINE MD#Edisaun_II#Free download.

MD Husu Komunidade Munisipiu Likisa Di’ak Liu Ba Vasina

Likisa: Bazeia ba program nasionál vasina kontra COVID-19, tuir alvu Primeiru Ministru,  (PM)Tau Matan Ruak , katak too Dezembur 2021 tenke atinji ona 80% populasuan iha teritorium Timor Leste tenke simu vasina, tanba ne’e membru governu sira ba dadaun ne’e tuun ona ba kampaña kontra Covid-19. Tanba ne’e mak Ministru Defeza Brig-Gen (Ref), Filomeno da Paixão de Jesus, husu ba komunidade iha Munsipiu Likisa di’ak liu ba vasina hodi hakotu tiha virus ida ne’e.

Kampaña ne’ebé ministériu halao, bazeia ba Polítika husi Ministeriu Saude ne’ebe aprezenta ba Konsellu Ministru husu ba membru governu sira atu tún ba halo kampaña hodi kombate COVID-19.

Antes ne’e governu liu husi Ministeriu Saude iha ona planu hodi kombate ba virus ida ne’e atu labele espalla iha Timor, maibé tanba dezastre natural momentu iha fulan Abril 2021, estraga buat hotu, maibé ida ne’e mak natureza, infelizmente ba dadaun ne’e situasaun komesa di’ak ituan ona. Tanba ne’e governu la tur hakmatek sempre buka lalais vasina tuir rekomendasaun husi  Organizasaun Saude Mundial (OMS).

Governante ne’e esplika,  Vasina Astrazeneka 600 mil hetan apoiu husi governu Austrália no ajuda tan segundu ne’e mak hautuk 65 mil, kona-ba Vasina Sinovax hetan apoiu husi nasaun China, agora dadaun numeru moras Covid-19 komesa menus ona.

Rona tiha intervensaun husi S.E Ministru Defeza, partisipante kompriende, husu perguntas ne’ebé sai duvida ba sira bazeia ba informasaun sira ne’ebé espalla iha media sosial katak vasina ladia’ak ba ema nia saude no sei hamate ema.

Maibé Ministru Defeza alista sira nia perguntas hodi esplika detallu kona-ba importansia vasina ne’e, Ministru Defeza mós intrega ba parte saude nian hodi esklarese lolos vasina Astrazeneca no Sinovax, parte ida ne’e médiku mak hatene liu.

“Ha’u mai atu lori polítika governu nian hodi fo hatene ba imi, tanba governu sei la tur hakmatek sempre iha meius barak hodi resolve kestaun mundial ne’e,”dehan Ministru bainhira hatan perguntas, iha Salaun Munisipial Likisa Vila, Segunda-feira (05/07/2021).

Iha serimónia ne’e Administrador Likisa, Sr. Pedro Paulo Moniz hatutan, atividade ida ne’e importante tebes tanba bele kombate ona Covid-19, tanba ne’e hanesan Administrdór sente kontenti ho prezensa S.E Ministru Defeza, prontu atu koopera hodi serbisu hamutuk  fó informasaun lolos ba komunidade. Tanba moras ida ne’e moras mundial nian ne’ebé afeta ba mundu tomák mate milaun ba milaun, ne’e mak entidade hotu tau preoridade ba asuntu ida ne’e.

“Ha’u husu ba Xefe suku sira ba imi nia papel importante hodi hamtuk fó hanoin ba ita nia komunidade nune’e hodi kombate virus ne’e, tanba ne’e mak ohin ministériu defeza ne’e atu fó informasaun lolos,” dehan Administradór ne’e.

Administradór ne’e kompromete, sei orienta ba Xefe suku sira, atu  fahe informasuan ne’ebé loos, atu rona no halo tuir labele rona informasaun sira ne’eb’e la loos, tanba ne’e liuhusi kampaña ne’e parte ida hodi komprende nune’e labele konfuzaun tanba ne’e mai ba hodi halo vasinasaun meius ida ne’e mak bele salva vida husi moras ne’e.

Média MD

Deskulpa - Komentariu ami Taka

error: Deskulpa Kontent ami protected !!