MAGAZINE MD#Edisaun_III#COMING SOON.

MD Kontinua Konvense Komunidade Bobonaru Oan Hodi Simu Vasina

BOBONARO: Hahú husi loron Tersa-feira too Kuarta-Feira Semana ne’e, Ministru Defeza Brig-Gen (Ref), Filomeno da Paixão de Jesus hamutuk ho ekipa husi ministériu Saude nian, kontinua ba halo sosializasaun kona-ba vasinasaun nune’e bele  influensia kamunidade sira husi Munisipiu Bobonaru  partisipa hodi aumenta numeru vasinasaun nian.

Objetivu husi kampañia ne’e, atu partilla informasaun klaru ba komunidade sira iha área ne’ebé sei rural, atu labele rona informasaun falsu (Hoax) ne’ebé espalla katak vasina oho ema ne’e la loos.

Durante loron rua ministru ho delegasaun vizita ona suku sira hanesan Ilatlaun, Suku Soilesu, Suku Maliubu, ne’ebé koloka iha Postu Administrativu Bobonaru Munisipiu Bobonaru, tuir informasaun katak fatin hirak ne’e parte Pesoal Saude sira no mos lider komunitaria halo ona esforsu masimu atu populasaun partisipa iha vasina maibé ate agora numeru vasinasaun menus husi 10%. Tanba komunidade sira fira barak liu mak informasaun falsu sira ne’ebé espalla halo sira tauk.

Ho kestaun hirak ne’e mak Ministru Defeza nudar reprezenta Governu ne’e esplika, ohin loron mai iha suku ne’e tanba ho domin  ne’ebé boot, tanba VIII Governu Konstitusionál iha interese boot tebes atu nia povu labele hetan Covid-19, liuliu ba idade avansadu no mós moras komplikadu sira ne’e perigu tebes ba sira nia vida.

Ho nune’e Estadu iha responsablidade hodi atende ba moras Covid-19, tuir tarjetu estadu nian katak kada munisipiu tenke vasina too atus ida, nune’e estadu no governu haree fila fali buat seluk hanesan dezenvolvimentu ekonomia rai laran ida ne’e importante tebes.

 Entertantu Ministra Saude mos akresenta, lider sira ne’ebé imi hadomi agora vasina hotu ona, tanba ne’e imi lalika laran tauk atu mai simu vasina, governu laiha hanoin atu fó vasina ne’ebé ladi’ak ba imi nia vida, Estadu no Governu esforsu makas tebes atu moras ne’e lebele hela hamutuk ita too kleur.

Tanba ne’e husu kontinua mantein protokolu saude nian, hamenus halibur malu, atividdae kultural, hapara provezoriu nune’e moras ne’e bele lakon ona iha nasaun ne’e hodi hotu hotu hala’o fali atividade normal hanesan uluk.

Iha serimónia ne’e iha sesaun husu no hatan komunidade sira hatoo sira nia preokupasaun ba S.E. Ministra Saude no Ministru Defeza parte rua fó esplikasaun ne’ebé klaru, serimónia ne’e ensera komunidade sira hakarak ona ba vasina.

Média MD

Deskulpa - Komentariu ami Taka

error: Deskulpa Kontent ami protected !!