MAGAZINE MD#Edisaun_II#Free download.

MD-MNEK Relata Serbisu Koperasaun Nian Ba PR

DILI: Ohin Tersa-feira Ministru Defeza BriGen (Ref), Filomeno da Paixão de Jesus hamutuk ho Ministra Negosiu Estranzeiru no Koperasaun (MNEK), Sra. Adaljiza Magno hasoru Prezidente Repúblika Dr. Francisco Guterres Lú-Olo iha Rezidensia Prezidente, Farol, Dili.

Objetivu husi Sorumutuk ne’e MD-MNEK relata ba Prezidente Repúblika kona-ba lalaok akordu no Koperasaun ne’ebé hala’o ona iha país sira iha mundu tomák.

“Ohin ami mai iha oportunidade ida ne’e hodi informa ba Prezidente Repúblik, kona-ba serbisu koperasaun Timor Leste ho Austrália iha área MNEK nian, no parte Ministériu Defeza nian mak haree ba iha ró patrulla ne’ebe atu simu iha Outubru 2023 oferese husi  Austrália, koperasaun no akordu ne’ebé trata hela oinsá mak halo patrullamentu konjuntu iha Kosta súl,” dehan governante ne’e ba jornalista sira.

Governante ne’e dehan, Kona-ba portu Hera ita iha koperasaun ona no fahe ba iha zona A Zona B no Zona C, Zona B mak agora governu Australia atu fó ne’e mak haree ba iha infrastrutura hari portu Hera no tuir planu sei remata iha 2023.

Prezidente Repúblika mos konkorda koperasaun ne’ebe halo ho país barak liuliu ho país viziñu, hanesan Indonézia ho Austrália, Xefe Estadu husu para halao serbisu halo didi’ak nune’e relasaun ho país viziño bele metin no lao ba oin ho di’ak.

  • Ministru Defeza Justifika Rekrutamentu Forsa Foun Se Hahú Iha Augostu

Ministru Defeza, BriGen (Ref), Filomeno da Paixão de Jesus, justifika ba iha públiku katak, orsamentu ba iha rekrutamentu forsa foun iha, no sei hahú hikas fila fali iha fulan Augostu 2021. Tuir planu katak sei hahu iha fulan Abril nia laran, maibé tanba situsaun pandemia Covid-19 entaun governu deside hodi muda fali.

“OJE 2021  ita iha, maibé iha buat barak tenke perpara antes ba iha rekrutamentu, ne’e mak infrastutura, kazerna no seluk tan, no ida tan mak tenke halo vasina ba kandidatu sira, tanba ne’e mak ami fó tempu ituan ba iha Augostu mak komesa di’ak liu,”dehan Ministru Defeza ba jornalista sira bainhira hasoru malu ho Prezidente Repúblika, Farol, Dili, Tersa-feira (11/05).

Governante ne’e hatete, hakerek ona karta ba Ministra Saude konaba vasina no Ministra mós aseita katak sei fó preoridade ba kandidatu sira halo rekrutamentu tanba vasina nia numeru ne’e mós sufiesinti .

Média MD

Deskulpa - Komentariu ami Taka

error: Deskulpa Kontent ami protected !!