Dili: Ministru Defeza Brig-Gen(Ref) Filomeno da Paixão de Jesus, partisipa reuniuan Daneen, hodi deskute planu rekoperasaun ekonomia, ho nune iha ambitu preparasaun ba implementasaun Orsamenru Jeral Estadu (OJE 2021) ne’ebe Guvernu inisia ho Planu Rekoperasaun Ekonomika (PRE), nudar instrumentu no aprosimasaun ba rekopera setor ekonomia no sosiais ne’ebe transformadu. Retiru ne’e realiza Auditorium Xanana Gusmão Ministériu Finansas Aitarak Laran

Iha retiru ne’e, Ministru Finansas, Dr. Rui Gomes, aprezenta filafali Planu Rekuperasaun Ekonómika (PRE) atu fó hanoin filafali ba governante sira ba programa prioridade sira ne’ebé sei kontribui ba rekuperasaun ekonómika pós KOVID-19 iha tempu badak, mediu no naruk nia laran.

Iha biban ne’e Ministru Koordenador Asuntu Ekonómiku, Joaquim Amaral,  aprezenta kona-ba progresu  distribuisaun programa sesta bázika ne’ebe daudaun ne’e la’o iha terenu nudar medida kurtu prazu  ba faze mitigasaun nian.

Retiru ne’e Primeiru Ministru Taur Matan Ruak,  fó orientasaun ba nia  governamental  tomak oinsá atu halo  ezekusaun ba orsamentu 2021 nian  ne’ebé agrupa ona tuir programa, sub-programa no atividade sira.

Liga ba Planu Rekuperasaun Ekonomika kompostu husi area atuasaun hamutuk 71, no sei implementa to’o tinan 2023 iha kurtu no mediu prazu. Nune’e Guvernu sei konsentra hodi foka iha area prinsipál 8 mak hanesan, hasa’e produtividade iha setor agrikultura, industria no turismu, hasa’e efisiénsia governativa iha setór ekonómika, edukasaun, haforsa kapasidade reziliénsia iha área saúde, protesaun sosial,  institusionál no ambientál inklui garante konsensu husi sosiedade, kona-ba área prinsipál sira investimentu nian, hodi define loloos prioridade sira investimentu nian hodi normaliza fali ita nia ekonomia.

Kobertura: Ligia Noronha/ Gil Barros