MAGAZINE MD#Edisaun_II#Free download.

MD Prijidi Isar Bandeira, Husu Ba funsionáriu Tomak Halo Planeamentu Programa Tuir Orsamentu

DILI: Ministru Defeza no Ministru Interior Interinu Brigadeiru Jeneral (Ref) Filomeno da Paixão de Jesus prezide serimónia Isar Bandeira Nasionál iha semana dahuluk fulan Fevereiru 2019 hamutuk ho funsionáriu Ministériu Defeza tomak inklui FALINTIL-Forsa Defeza Timor Leste (F-FDTL) iha Kuartel Jeneral Fatuhada, Dili.

Iha Serimónia refere Ministru partilha ba funsionáriu tomk polítika governu nian kona-bá integrasaun iha planeamentu no ezekusaun programa iha defeza no seguransa, esforsu hodi halo harmonizasaun ba polítika, regra no lei sira, disiplina iha planeamentu no implementasaun programa tuir orsamentu ne’ebé alokadu tiha ona, kontrolu pessoal no material.

Iha biban ne’e Ministru husu ba Kargu Xefia sira tenke responsablidade ba servisu tomák kontrolu masímu ba funsionáriu sira, tanba situasaun agora nafatin iha impase polítika no moris fila fali ho orsamentu duodesímu.


“Ha’u hakarak hatete governu ida ne’e sedauk estavél, ita moris ho plafon ita labele mehi as demais, tanba ita depende de’it ba mina ita nia industrua no fabrika sedauk moris lolos hodi ajuda hatama tan osan ho ida ne’e mak atu halo planeimentu tenke haree no sukat ba plafon, no polítika agora tenke rigor no rasionalizasaun,” dehan Ministru bainhira prizide Isar bandeira iha Kuartel Jeneral Fatuhada, Segunda-Feira (4/02/2019).
Ministru Defeza apelu, husu ba kargu xefia sira atu halo kontrolu pessoál sé mak tur naran sai la tuir oras no mós faltoju ne’ebé laiha justifikasaun diretór sira tenke halo karta mai Ministru nune’e mós halo kontolu material no ekipamentus liuliu kareta tenke halo autonotisia, nune’e mós ba Diretór Jerál no Diretór sira kada semana tenke intrega relatóriu.
Brigadeiru Jeneral (Ref) ne’e hatete, iha ne’e halo planeamantu ba Defeza inklui F-FDTL nune’e mós Interior inklui PNTL tenke haree mós lei no regulamentu internu bainhira la tuir planu estratézia ne’e tenke hadia lei iha kraik tenke hanesan ho ida leten tenke konfirma halo harmonizasaun lei regras ho normas.


“Ha’u hakarak koalia aprojionamentu laos Ministru nian maibé ne’e tenke nakloke atu ema hotu hatene buat ruma rekomenda ba ministru no halo prosesu tenke tuir lei laos hanesan uluk aparojionamentu fahe projeitu maibé agora iha ne’e lae no sei la akontese,”tenik Ministru.
Kona-bá Defeza ho F-FDTL Interior ho PNTL tinan ne’e rona ona planeamentu integradu lao hamtuk baze mak komplomentariadade tenke kompleta malu labele sabraut.

Kobertura: Ligia Noronha / Gil Barros

Deskulpa - Komentariu ami Taka

error: Deskulpa Kontent ami protected !!