MAGAZINE MD#Edisaun_III#COMING SOON.

MD Relata Rekrutamentu Konjuntu Ba PM

DILI: Ministru Defeza Brig-Gen (Ref), Filomeno da Paixão de Jesus, iha Sigunda-feira ohin, relata rekrutamentu konjunktu ne’ebé involve Falintil-Forsa Defeza Timor Leste (F-FDTL) no Polísia Nasionál Timor Leste (PNTL)  ba Primeiru Ministru (PM), Taur Matan Ruak,

“Ohin ha’u mai husu ituan orienstasaun husi Primeiru Ministru kona-ba serbisu balun ne’ebé ha’u hala’o hela, partikularmente kona-ba área rekrutamentu konjuntu ne’ebé sei involve F-FDTL no PNTL,”dehan Ministru Defeza ba jornalista sira bainhira hasoru malu ho PM, iha rezidensia Farol, Dili, (18/10).

Ministru Defeza esplika, rekrutamenktu konjuntu ne’e sira bele hamutuk durante fulan ida ka rua hodi aprende valores prinsipiu komun depois mak koloka fali ba iha espesialidade, rekrutamentu refere akontese iha tinan oin 2022 maibé konseitu hirak ne’e sei haree hela, aprezenta ikus iha fulan Outubru remata ba iha Konsellu Ministru.

Tuir ministru katak, iha tempu balun ne’ebé sira hamutuk  bele koñese malu di’ak  hodi  aprende iha disiplina komun. Tinan oin rekrutamentu tenke akontese dala ida de’it nune’e sai husi ne’eba mak ita fahe fali balun ba Polísia no balun nafatin iha F-FDTL, nune’e disiplina ba parte rua ne’e hanesan.

Média MD

Deskulpa - Komentariu ami Taka

error: Deskulpa Kontent ami protected !!