MAGAZINE MD#Edisaun_III#COMING SOON.

MD Uza Lian Tokodede Konvense Likisa Oan Sira Simu Vasina

Likisa: Ministru Defeza Brig-Gen (Ref), Filomeno da Paixão de Jesus, iha Kinta no Sesta-feira hala’o kampaña vasinasaun kontra COVID-19 uza lian materna tokodede hodi konvense likisa oan sira simu vasina.

Objetivu uza lian materna atu fasilita komunidade sira komprende di’ak liután kona-ba benefisiu husi vasina ne’e, nune’e bele garante tasa partesipasaun vasina iha munsipiu likisa tuir tarjeitu ne’ebé iha.

Ministru Defeza hatete, ba ema ne’ebé espalla informasaun katak Covid-19 laiha ne’e kuidadu mak ne’e, koalia ne’e fasil maibé ema sira ne’ebé afeitadu no familia ne’ebé mate ba moras ne’e rona sente laran moras.

Ema koalia laiha resposablidade imi ba rona, maibé governu no estadu lori vasina ne’ebé salva imi nia moris imi lakoi, keta tauk tanba governu iha responsablidade no nunka hanoin at ba nia povu.

Tanba vasina ne’e proteze imi no ita hotu, moris saudavel hodi hotu hotu livre halao nia atividade buka osan hodi selu oan sira nia eskola matenek ukun rai ne’e.

“Governu mai ho hanoin ida ne’ebé di’ak, espera tinan foun bele lori ona naroman, nune’e bele haree fali dezenvolvimentu ekonomia rai laran, ita hotu serbisu normal buka osan hodi selu oan sira nia eskola perpara ba future nasaun ne’e,” dehan Ministru iha entervista ho jornalista sira, bainhira remata serimonia kampaña iha Sede Suku Gisu.

Nasaun soberanu presiza ema, ema laiha oisá atu ukun ema mak riku soin nasaun ne’e nian, tanba ne’e vasina hodi aumenta imunidade atu bele hasoru moras pesti at ne’e.

Iha serimónia ne’e iha mos sesaun husu no hatan, oprtunidade ne’e parte saude hatan kedan ba preokupasaun sira ne’ebé liga ho vasina ne’e.

Remata husi serimónia refere Ministru Defeza no Prezidente Autoridade lansa kedan vasina iha fatin refere.

Média MD

Deskulpa - Komentariu ami Taka

error: Deskulpa Kontent ami protected !!