MAGAZINE MD#Edisaun_II#Free download.

Ministériu Defeza Fó Formasaun Ba Funsionariu Na’in 6, Área Unidade Jestaun Projeitu (UJP)

Likisa: Ministeriu Defeza hahú ohin 25 too aban 26 Fevereiru 2021, fó formasaun ba funsionariu na’in 6 área Unidade Jestaun Projeitu, formasaun refere hetan apoiu husi Governo Australia liu husi Defence Corperation Project (DCP) ne’ebe oferese ona fatin no fasilita akomodasaun ba treinamentu ne’e realiza iha Lauhata Beach, Munisipiu Likisa.

Objetivu husi formasaun ne’e  mak,  atu garante kualidade no responsablidade hodi profesionalija serbisu nian atu uniformiza koñesementu jestaun servisu UGP nian liuliu iha prosesu planeamentu, koordenasaun, ezekusaun no jestaun liga ho instituisaun Governu sira seluk.

Ministru Defeza Brig-Gen (Ref) Filomeno da Paixão de Jesus,  UJP  nu’udar unidade importante ida iha programa Ministériu defeza. UGP nia respnsabilidade prinsipal mak atu planu, organiza, dezenvolve, kordena, ezekuta, superviziona, jere no asegura projetos infrastutura iha Ministeriu defeza.

“Ha’u solusita ba formandu UGP atu utiliza imi nia matenek, esperiensia no kapasidade hodi dezenvolve serbisu UGP ho professional,” dehan Ministru Defeza bainhira halo abertura ba formasaun ne’e, Kinta-feira (25/02/2021).

 Governante ne’e akresenta, UGP tenke halo komunikasaun no koordenasaun regular ho F-FDTL, Diretor Jeral Administrasaun, Gabinete Forsa 2020, Diresaun Nasionál Aprovizionamentu, Diresaun Nasionál Patrimóniu no Diresaun Nasionál Planeamentu hodi Dezenvolve planu infraestrura ne’ebé kualidade, sufisiente no adekuadu tuir nesesidade F-FDTL. Ho Nune’e, infratutura hirak ne’e bele garante no komplementa polítika Ministériu liuliu dezenvolvimentu infraestrura Forsas Armadas nian.

Durante loron rua nia laran, DCP no ministériu Defeza sei fasilita imi atu hatene di’ak liu tan Ambiente polítika no planu prioridade infraestrutra F-FDTL.  Tanba ne’e utiliza loron rua treinamentu ho másimu hodi deskute, fahe informasaun no kompleta malu, nune’e UGP bele hatene ho di’ak responasabilidade ne’ebé imi sei halo ba loron oin.

 “Boa governasaun ne’e importante iha Defeza no F-FDTL, ita la halo ida ne’e aban bainrua Ministériu Públiku sei buka ita iha uma kuandu serbisu la los, tanba ne’e ekipa ne’ebe ha’u fiar ne’e asegura ida ne’e, halo lolos transparensia, ha’u bolu atensaun ba imi halo serbisu los estadu nian,”tenik Ministru.

Iha fatin hanesan Diretór Jerál Administrasaun (DJA), Nuno Carvalho dos Santos haktuir, nasaun presiza iha responsablidade serbisu tanba ne’e, iha Ministériu hotu-hotu liuliu iha parte Defeza nian nee’b’e responsavel ba unidade ne’e hodi halo kontrolu no koneksaun ba iha projeitu ne’e.

“ita atu tau forsa armada ida profesionál konvensional ita presiza projeitu ne’ebé iha meius sufsiente kualifikadu no suvestikadu, tanba ne’e ita presiza rekursu ne’ebé apoiu ita preokupa ho ida ne’e Ministériu nia responsablidade atu haree projeita ba oin atu garante kualidade projeitu ne’ebe estadu gasta osan barak,” haktuir DJ Nuno.

Média MD

Deskulpa - Komentariu ami Taka

error: Deskulpa Kontent ami protected !!