MAGAZINE MD#Edisaun_II#Free download.

Ministru Defeza Deklara Orsamentu Ransu Ba F-FDTL Rezolvidu

DILI: Relasiona orsamentu ransu ka (Osan-han) ba Falintil-Forsa Defeza Timor-Leste (F-FDTL) ne’ebé atrazu iha fulan Janeiru too Fevereiru, Ministru Defeza Brig-Gen (Ref), Filomeno da Paixão, deklara rezolvidu ona iha loron Segunda-feira 15 Fevereiru 2021 bainhira enkontru Konsellu Defeza Militár.

Ministru Defeza ne’e mós informa, kona-ba saláriu pagamentu ba iha membru F-FDTL tarde laos akontese de’it iha instituisaun ne’e, iha instituisaun estadu seluk mos infreta problema ne’e.

Aleinde ne’e kona-ba prosesu rekrutamentu F-FDTL, Ministru esplika, rekrutamentu forsa foun agora aprovadu ona, tanba rekrutamentu ba 2021 propoin ema 1200 maibé tanba osan entaun ba tinan ne’e presiza de’it 600.
“Ha’u agora hein karta formal husi, Xefe Estadu Maiór Jenerál F-FDTL, Maijór Jeneral Jeneral Lere Anan Timur atu fó hatene ba rekrutamentu, numeru hira ba kada komponente, maibé sei hein Jeneral hatoo proposta mai ha’u sei hatoo ba iha Konsellu Ministru,”dehan Ministru Defeza ne’e bainhira halao enkontru mensalmente ho Prezidente Repúblika, iha Tersa-feira (16/02/2021).

Governante ne’e mos relata, kona-ba membru F-FDTL ne’ebé tiru komunidade nia animal, pozisaun governu nian mak prosesu disiplinar, kestaun ne’e hatoo ona nota ofisial ba Jeneral, agora dadaun halo hela prosesu ba sira.

Iha biban ne’e Ministru Defeza hatan ba preokupasaun Jeneral Lere Anan Timur nian kona-ba fardamentu ne’ebe presiza tebes liga ho vaga rekrutamentu forsa foun, fardamentu hola iha tinan kotuk 2020 iha ne’eba mak loke tender ema ne’ebé manan ba halo ona porsesu akizasaun iha liur, munisoens mos lao iha prosesu.

Média MD

Deskulpa - Komentariu ami Taka

error: Deskulpa Kontent ami protected !!