MAGAZINE MD#Edisaun_II#Free download.

Ministru Defeza Partisipa Konferensia Internasionál kona-bá Assuntu Marítima

DILI: Ministru Defeza no Ministru Interinu Interior Birgadeiro Jeneral Filomeno de Paixão de Jesus partisipa konferensia internasionál kona-bá assuntu mar iha salaun Ministériu Finansas Aitarak Laran Dili, no eventu refere organiza husi Institutu Defeza Nasionál (IDN) iha loron 16 to’o 17 Agostu 2018. Objetivu husi konferensia ne’e atu haforsa seguransa nasionál liu-liu seguransa marítima nian iha Timor-Leste.

Ministru Defeza hatete, seguransa kona-bá tasi nian, governu ida ne’e hatama bá iha programa autoridade marítima ho programa governu nian, iha autoridade marítima ne’e signifika kahur organizasaun bárak no ministériu bárak tama hotu. Tanbá autoridade marítima mak intrega bá iha defeza no intrega ona mak Ministru Defeza sei hatudu se mak bá kaer autoridade marítima, nia mak kordena sistema refere nune’e bele iha alfandega, MOPTK iha PNTL no seluk tan.

“Ohin ne’e ita rona buat di’ak ida husi estratezia mar nian grande estratézia nasionál buat sira ne’e hotu, hanesan buat di’ak ida, ita mós iha hanoin ida para oinsá atu halo patroliu hodi domina ita nia fronteira sira,”dehan Ministru Defeza bá jornalista sira báinhira partisipa konferensia internasionál iha Salaun Ministériu Finansas Aitarak-Laran, Dili iha Kinta-Feira (16/08/2018).

Ministru Defeza dehan, partikulamente bá iha parte tasi sul nian kuaze agora abándonadu hanoin ho autoridade marítima ne’e hamutuk tau komponente naval ho forsa polísia marítima rua ne’e hamutuk bá iha parte operasaun prátika hodi kontrola tasi liu-liu kosta súl. Maibé instutuisaun rua F-FDTL ho PNTL tenke hamutuk hodi sai fali guarda kosteiru hodi haree iha konseitu estratéjiku defeza seguransa nasionál, signifika F-FDTL komponente naval sei forma hala’o mós serbisu hanesan guarda kosteiru tanbá ne’e lalika duplika hodi labele halo fali marina rua, nune’e bele kontrola tasi norte.

Tuir Ministru katak, forsa komponente naval maka fó seguransa no PNTL maka tama iha ró laran hodi tun bá iha tasi hodi halo abordajen bá ema sira ne’ebé mai halo atividade ilegais. “Ita poupa meius obriga forsa rua serbisu hamutuk hanaran interoperarididade hodi poupa, lalika hola ró bárak, lori ró ne’ebé iha halo lai serbisu no abán báinrua ita iha investimentu kapas industria di’ak bele hola tan ró bárak,”tenik nia.

Konferensia ne’e loke husi Prezidente da Repúblika Francisco Guterres Lu-Olo iha mós orador ka peritu internasionál no autoridade nasionál sira ne’ebé sei partilla sira nia hanoin kona-bá assuntu refere.

 

Kobertura: Ligia Noronha

Deskulpa - Komentariu ami Taka

error: Deskulpa Kontent ami protected !!