MAGAZINE MD#Edisaun_III#COMING SOON.

Ministru Defeza Simu Vizita Kortezia husi Ambaixadóra Estado Unidos Amérika

DILI: Iha loron 3 Agostu 2018 Ministru Defeza simu vizita kortezia ho Ambaixadóra Estadus Unidus Amerika (EUA) iha Timor Leste Kathleen M. Fitzpatrick iha kna’ar fatin Kuartel Jeral F-FDTL Fatuhada Dili.

Objetivu husi sorumutu ne’e hodi koalia kona-bá relasaun bilateral liuliu iha área defeza nian. Durante sorumutuk ne’e, Ambaixadóra Kathleen, hodi Governo Estado Unidos Amérika (UEA) kongratula bá nomeasaun no kargu foun nu’udár Ministro Defeza. Ambaixadóra UEA ne’e mós afirma katak, Estado Amérika prontu atu kontinua hametin kooperasaun ho Governo Timor-Leste liuliu iha área defeza.

Ministru Defeza Birgadeiro Jeneral Filomeno da Paixão de Jesus apresia tebes ho vizita importante refere hodi fó agradese bá apoiu tomak husi EUA. Ministro Defeza informa katak, Governo Timor-Leste apresia tebes ho kooperasaun ne’ebé la’o ona inklui apoiu EUA iha área militar hanesan formasaun no kapasitasaun. Ministro mós informa katak, programa hirak ne’e sei hakle’an liu tan, iha liu husi enkontru bilateral entre Governo Timor-Leste no EUA, ne’ebé sei hala’o iha Dili, fulan Novembro 2018.

EUA iha kompremisu boot hakarak atu fó apoiu bá defeza, nune’e mós parte rua koalia kona-bá Dilogue Defence Decision (BDD) ne’ebé sei hala’o iha Novembru 2018. Tanbá ne’e Ministru Defeza apresia tebes ho apoiu no iha kompremisu atu hametin liu tan relasaun bilateral bá oin. Parte rua ne’e mós koalia kona-bá F-FDTL ho forsa Amérikanu nian atau hala’o atividade hanesan konstrusaun eskola hotu iha teritoriu Timor laran tomak, tanbá ne’e parte rua iha komitmentu atu kria relasaun di’ak liu tan iha área refere.

Ambaixadóra EUA mós agradese bá Timor Leste bá koperasaun di’ak durante ne’e, no parte rua kompremetidu hodi hametin liutan koperasaun bilateral liuliu iha área defeza no seguransa.

Deskulpa - Komentariu ami Taka

error: Deskulpa Kontent ami protected !!