Díli, 15 Outubru 2024- Hafoin hala'o viajen servisu ba Rejiaun Administrativa Espesiál Oe-cusse Ambeno hodi hasoru malu ho Prezidente RAEOA, Rogéiro Tiago Lobato iha nia kna'ar fatin Oe-bau, S. E. Ministru Defeza Kontra-Almirante Donaciano da Costa Gomes 'Pedro Klamar Fuik', Ph.D., ho nia delegasaun mós partisipa iha jantar de boas-vindas ne'ebé oferese husi Prezidente Autoridade RAEOA ba Membru Parlamentu Nasionál, Membru IX-Governu Konstitusionál, Governadór NTT, Bupati Belu, Kefa, Malaka no entidade alta husi CNC no instituisaun tutelada sira ne'ebé hola parte iha Festival Fronteira tinan 2024.

Aleinde partisipa iha agenda importante sira, S. E. Ministru Defeza Pedro Klamar Fuik aproveita mós momentu históriku ida ne'e hodi kumprimenta Autoridade sira husi NTT no amigu rezisténsia sira ne'ebé hola parte mós iha eventu refere.

Rekorda katak, tema ba Festival daruak ne'ebé realiza iha Oe-cusse Ambeno mak "Interkámbiu Kulturál ba Hametin Rekonsilisaun" ne'ebé sei hala'o husi loron 14-19 Outubru iha RAEOA.

Média MD