Dr. David Finnegan nu'udár Prezidente no Sientísta Seniór ida iha área Artifisiál Inteligénsia (AI). Ho nia matenek no kontribuisaun, nia konsideradu hanesan pioñeiru ba konseptu Artifisiál Intelligence.

Hanesan líder ida, Finnegan promove diskusaun sira kona-ba futuru Artifisiál Intelligence nia impaktu iha sósiu-ekonómiku, no AI nia implikasaun étika iha sosiedade kontemporáneo nian.

S. E. Ministru Defeza, Kontra-Almirante Donaciano Costa Gomes, Ph.D, hafoin remata sorumutuk hateten katak, Artifisiál Intelligence nu'udár asuntu ida ne'ebé importante liga ho sosiedade nia moris lor-loron nian. Tanba ne'e mak hanesan nasaun soberania ida presiza introduz duni kona-ba AI ninia impaktu ekonómiku no sosiál atu ita bele hala'o servisu ho efisiénte no efikaz liu tan.

"Inteligénsia Artifisiál ne'e agora dudaun sosiedade hotu-hotu ne'ebé avansada ona utiliza para bele fasilita sira nia moris lor-loron nian iha servisu ba buat ne'ebé mak sira bele halo efikaz no efisiente liu.

David Finnegan nu'udár péritu AI nian ne'ebé iha esperiénsia barak iha área estratéjiku iha AI ne'ebé servisu ona ho Banku Sentral, Agénsia sira prevensaun krime nian, no órgaun governu sira husi nasaun oi-oin iha mundu kona-ba deteksaun fraudes, seguransa no teknolojia finanseira nian.

Iha enkontru ne'ebé amigável tebes, S. E. Ministru Defeza sujere atu Dr. David Finnegan bele ajuda liu tan governu, liu-liu iha setór xave sira atu nune'e bele promove servisu ne'ebé diak liu tan iha instituisaun Estadu nian.

Média MD