Ohin, quinta-feira 02 julho 2026 – Ministériu Defeza, Liu husi S. E. Ministru Defeza, Kontra-Almirante Donaciano Costa Gomes “Pedro Klamar Fuik”, Ph.D. ho Konselleiru husi Embaixada Xina iha TL ba assuntu Ekonomia no Komérsiu, Sr. SUOCHENG ZHAO formalmente Asina Akordu Implementasaun Hospitál Militár – Amizade Xina Timor-Leste, iha Edifísiu Ministériu Defeza Fatuhada, Díli.

Hospitál ida ne'e nu'udar doasaun solidariedade husi Governo Xina ba Estado Timor-Leste ba amizade ne'ebé país rua ne'e iha durante tempu naruk ne'ebé kobre ho kustu 20 milhões e tal.

Akordu ida ne'e nu'udar faze final ba prosesu diskusaun hotu-hotu ne'ebé governu rua ne'e iha, nune'e sei fó biban ba konsultór sira atu bele loke prosesu de tenderizaun ba faze konstrusaun.

Rekorda katak, Akordu ba doasaun Hospitál militár ne'e asina formalmente iha ámbito selebrasaun tinan 50 kriasaun FALINTIL ne'ebé realiza iha Tasi-Tolu Díli, iha tinan 2025.

Média MD