DÍLI, 03 JULHO 2026 - S. E. Ministru Defeza, Kontra-Almirante Donaciano da Costa Gomes 'Pedro Klamar Fuik', Ph.D., sexta-feira ne'e partisipa iha enkontru bilateral entre S. E. Primeiro-Ministro Timor-Leste, Kay Rala Xanana Gusmão ho S. E. Primeiro-Ministro Singapura, Lawrence Wong iha Palácio Governu, Díli.

Enkontru istóriku ida ne'e realiza iha ámbitu vizita ofisiál husi S. E. Primeiro-Ministro Singapura, Lawrence Wong ho nia delegasaun hodi diskute kona-ba parseria entre Timor-Leste ho Singapura iha setór importante sira Timor-Leste nian no hanesan país membru plenu ASEAN nian.

Durante enkontru Singapura reafirma nia prontidaun atu estabelese kooperasaun ho Timor-Leste liu-liu oinsá atu kapasita rekursu umanu Timor-Leste nian, hasa'e kreximentu ekonómiku no loke horizonte ba trabalhador Timoroan sira atu bele mós asesu ba servisu iha Singapura.

Hafoin de enkontru Xefe Governo Timor-Leste oferese almosu ofisiál ba Primeiro-Ministro Singapura ho nia Delegasaun molok aranka fila fali ba Singapura iha okaziaun vizita históriku Xefe Governo nian.

Média MD