MAGAZINE MD#Edisaun_II#Free download.

Portugal Sei Apoiu F-FDTL Formasaun Língua Portugues

DILI: Segunda-Feira 24 Setembru 2018 Ministru Defeza Dr. Filomeno da Paixão de Jesus simu vizita Kortezia husi Señor Ambaixadór Portugal iha Timor Leste José Pedro Machado Vieira ne’ebé akompaña husi Adidiu Defeza Portugal mai Timor Leste Señor Colonel Delfim Zambujo das Dores. Iha Vizita refere Señor Ambaixadór informa bá Ministru kona-bá koperasaun bilateral nasaun rua ne’e nian liuliu iha parte formasaun língua Portugues bá F-FDTL.

Ministru Defeza apresia bá apoiu ne’ebé Portugal fó bá TL iha área Defeza nian no konfirma katak kapasitasaun iha língua ofisiál ne’e sai mós nu’udar prioridade ida. Tanbá ne’e Ministru Defeza sei prepara infrastutura nesesaria atu bele implementa program biblioteka língua Portugues bá F-FDTL. Ministru mós rekoñese kona-bá língua F-FDTL sei menus tebes tanbá ne’e asuntu ida ne’e importante tebes.

Iha bibán ne’e mós Ambaixadór intrega karta konvite ida husi Ministru Defeza Portugal mai Ministru Defeza TL hodi bá partesipa iha simpóziu ida iha Portugal kona-bá saúde militar. Ho nune’e ministru hato’o agradesimentu bá karta konvite ne’e no sei deside kona-bá partesipasaun iha tempu ruma tuir mai. Entertantu Diretór Nasionál Rekursu Humanu (DNRH) Nuno Carvalho dos Santos haktuir, kada tinan diresaun ne’e sempre loke formasaun bá funsionáriu sira no mós bá F-FDTL hodi kapasita rekursu iha área oioin.


Kobertura:Ligia Noronha

Deskulpa - Komentariu ami Taka

error: Deskulpa Kontent ami protected !!