MAGAZINE MD#Edisaun_II#Free download.

PR Lú-Olo Husu Tenke Konsidera no Valoriza Profisaun Militár

• Aniversáriu Transformasaun F-FDTL Ba Dala 18

DILI: Prezidente Repúblika Dr. Francisco Guterres Lú-Olo liu husi diskursu iha eventu komemorasaun aniversáriu FALINTIL-Forsa Defeza Timor Leste (F-FDTL) ba dala 18 husu ba entidade hotu tenke konsidera no valoriza profisaun militár sira nian.

“Ita presiza define loloos estatutu ba pesoál militár ne’ebé serve iha forsa Defeza nian, ha’u ho estatutu kondisaun militár ne’ebé seidauk define tuir lei loloos kondisaun militár no tuir fali halo revizaun ba estatutu militár sira nian,”dehan Xefe Estadu bainhira prezide serimónia aniversáriu ne’e iha Kuartel Jeneral Fatuhada Sabdu (2/02/2019).
S.E Prezidenete Repúblika ne’e hatete, F-FDTL uluk ohin no aban bainrua Forsa Defeza nafatin komponente ida ne’ebé kontribui ba hatuur identidade nasionál ba valor ida ne’ebé hametin nasaun no ida ne’ebé halo imi nia komadante Supremu sente urgullu. Iha buat barak ne’ebé atu halo maibé imi nia esforsu sira ne’ebé halo ona no imi nia dedikasaun ba forsa Defeza no Nasaun.

Tanba ne’e forsa nu’udar kontinuadór tane aas nafatin valór no prinsipiu fundamental sira ne’ebé dada konfiansa konsiderasaun no respeitu husi povu, estadu harii forsa defeza ho misaun ida atu hala’o defeza militár tuir konstituisaun haruka, forsa defeza sira simu formasaun liuliu ba misaun ida ne’e, maibé sira mós bele partesipa ho sira nia rekursu rasik hamutuk ho parte sira.
Tuir Prezidente Repúblika ne’e katak, atu asegura soberania TL tenke hakbesik-an ba rai sira seluk, TL presiza estratezia defeza militar ida ne’ebé la’o ho diplomasai ida ne’e nu’udar dalan atu hasa’e-an no rezolve konflitus no hetan parseria estrateziku hodi haburas kapasidade militar iha ambitu seguransa koperativu.
“Ha’u hakarak hato’o agradesimentu ba nasaun belun hotu hotu ne’ebé kontribui ona ba kapasidade no dezenvolvimentu F-FDTL ne’ebé fó kapasitasauan ba rekursu Umanus no sosa ekipamentus ba forsa sira tuir kriterius lolos no ikus mai promove forsa sira nia partesipasaun iha misaun pás nu’udar fatór dezenvolvimentu motivasaun forsa sira nian no ba nasaun,”tenik S.E Prezidente Repúblika.
Iha fatin hanesan Ministru Defeza no Ministru Interior Interinu Brigadeiru Jeneral (Ref) Filomeno da Paixão de Jesus hatete, ho tinan ne’ebé aumenta atu sai forsa ida ne’ebé professional konvensionál forsa ida ne’ebé bele asegura seguransa eksterna hodi fó konfiansa ba povu.
“F-FDTL dezde 2008 ami prepara tiha ona formasaun akademika ba sira liuliu atu ba sai alferis ofisiais hadi gradusaun ba lisensiatura,”tenik Ministru Defeza.
S.E Brigadeiru Jeneral (Ref) ne’e hatete, nune’e sira komanda forsa ne’e metin tanba ne’e iha F-FDTL la tau viza ba ne’ebé la kursu nune’e hodi garante profesionalizasaun iha instituisaun ne’e.

kobertura: Ligya Noronha/Foto: Gil

Deskulpa - Komentariu ami Taka

error: Deskulpa Kontent ami protected !!