VIIIo Governu Konstitusionál  Programa Estratéjiku Dezenvolvimentu Forsa Defeza  2018-2023


Alem misaun prinsipal, F-FDTL  mós iha ninian misaun seluk hodi uza atu reforsa autorizasaun sivil, iha ámbitu sistema integradu seguransa nasionál, lori dispozisaun lei seguransa nasionál nian hodi reforsa polítika esterna nian, para halo manutensaun bá pás no operasaun humana nian.

Hanesan forsa seguransa nasionál, forsa defeza labele inklina-an iha partidu polítiku no tenki obedese-an bá orgaun soberania ne’ebé mak iha tuir nia kompeténsia no proibídu polítika nain sira atu halo intervensaun polítika ruma.

Iha ámbitu dezenvolvimentu setór defeza nian, Estado Timor-Leste reafirma fila-fali ninia pozisaun iha stratéjiku defeza nian, báseia bá norma legal sira,  hodi la’o tuir dalan diplomásia no dissuasaun hanesan meios ida hodi prevene no resolve konflitu sira ne’ebé mak sei akontese, no rejeita uza forsa. Garante kuadro militár halao sira nia kna’ar ho diak no profesional hodi garantia independénsia nasionál.

Abordajem ne’e persiza investimentu bá iha forsa defeza para bele halo auto-defeza bá nasaun husi ameasas esterna no hodi kualifi no kontribui  bá kooperasaun regional no internasionál, inklui prezervasaun pás no estabilidade nasionál no internasionál.

Governo mós sei foti strategia ne’ebé maka efektivu liu liga bá seguransa geotrategis marítima nian hodi konsidera no haree mós bá akontesementu sira globál, la’os deit iha fatin  terorista  aumenta bárak, maibe mós iha trafíku ema no krimi ne’ebé maka re-organiza. Iha parte seluk, haree bá parte geografia Timor-Leste nian, zona ekonomia ne’ebé bo’ot no riku-soin tasi nian inklui rekursus mina Timor. Ne’e duni, tenke haree bá dezenvolvementu bá kapasidade Naval sira nian atu nune’e bele protéje no dezenvolve rekursus naturais no rekursus humanu.

Ho ida ne’e, Ministériu Defeza presija halo’o konsolidasaun Lei bá sistema dezenvolvementu  “Sistema Autoridade Maritima Timor Leste (SAMTL)” ho Sistema Autoridade Nasionál,  no mós nia tenki implementa nia funsaun nu’udár entidade marítima iha soberania no jurisdisaun nasionál. Funsiona mós estrutura superior área administrasaun no halo koordenasaun ho orgaun no diresaun ne’ebe maka sei serbisu hamutuk SAMTL nian.

Iha konteksu ida ne’e, dezenvolvimentu defeza ne’ebé diskreve kontemporamentu iha kontestu Geoestratéjiku no Internasionál iha sékulu ida ne’e, kontamina husi modelu foun bá risku no ameasas ne’ebe agora buras, karakter multi-dimensaun no realidade serbisu interna nian sai mós Defeza bá area fronteira no hametin Seguransa. Asuntu ne’e nesesita tebes, tanbá ne’e presiza hatene ou kompriende didiak ambiente /lalaok seguransa iha sékulu XXI ne’ebá, tanbá ne’e presija halo avaliasaun bá papel no funsaun husi Instituisaun Defesa Nasionál Timor-Leste no ninia pozisaun iha relasaun ho eksterna ou rai liur, ne’ebé relasiona mós ho serbisu kooperativo seguransa nomos konabá partisipasaun iha asaun koletiva umana no paz iha organizasaun Nasaun Unidas no Forum Internasionál seluk-seluk tan.

Atu halao konsolidasaun bá planu dezenvolvimentu stratezia Forsa Militar, dokumentus importante tebes atu aumenta abilidade ka kapasidade  F-FDTL nian atu halao misaun, hodi acompanha siklu forsa no planu Militar. Ho aseitasaun  no konseitu strateziku Defesa no Seguransa Nasionál. Serbisu Defesa sei haforsa struktura husi planu strateziku ne’e rasik, konsolida planu Militar ho orientasaun husi departamentu Defesa. Konseitu estratéjiku Militar iha dalan atu moderniza no profesionaliza F-FDTL. Iha vizaun ida ne’e, planu Militar atu apoia deit planeamentu estratéjiku bázeia bá nesesidade Defesa Nasionál tuir risku no ameasa ne’ebé identifikadu.

Ho razasaun sira ne’e hotu, Governo Timor-Leste sei kontinua kumpri nia ojetivu prinsipal sira iha dezenvolvimentu forsa defeza hanesan tuir mai:

  1. Defende soberania nasionál, konsolidasaun pás no estabilidade no promove rekonsiliasaun ho unidade nasionál;
  2. Promove serbisu militar hanesan asaun patriótiku, no kuda profesionalismu iha setór defeza hanesan module no ezemplu integridade bá sidadania;
  3. Envolve F-FDTL iha dezenvolvimentu ekonómiku, sosial no ema iha nasaun ida ne’e;
  4. Dezenvolve asaun kooperasaun bilateral no multilateral hodi promove no halo prevensaun bá pás ho estabilidade nasionál, regional no mundial hodi apoiu fortalesementu kooperativa seguransa;
  5. Asegura partisipasaun F-FDTL iha for a multinasionál no organizasaun, internasionál, inklui operasaun manutensaun pás no operasaun humanitarian husi Nasaun Unidas;
  6. Treina no mellora kapasidade F-FDTL para apoiu sivil, liuliu iha deszatre naturais no situasaun emergensia seluk ho ambitu Sistema Integradu Seguransa Nasionál;
  7. Kapasita komponente Naval Defeza, halo vigilânsia, kontrola no fisklaiza aktividade marítima no portu ho ámbitu Sistema Autoridade Marítima Timor-Leste;
  8. Promove edifikasaun komponente Apoiu Áereu para partisipa iha forma integradu defeza militar nasaun nian, hodi halo serbisu patrulla bá espasu áeru nasionál no partisipa mós iha misaun humanitarian hodi apoiu populasaun sivil sira;
  9. Promove edikasaun husi identifika kapasidade F-FDTL liga bá Konseitu Estratéjiku Defeza no Seguransa Nasionál;
  10. Konsolida estrutura Planeamentu Estratéjiku Defeza Militar;
  11. Promove estudu no reflesaun kona-á Serbisu Militár Obrigatóriu;
  12. Promove partisipasaun feto nian iha setór Defeza inklui kria oportunidade bá progressu karreira, promosaun iha igualidade jéneru;

Atu to’o bá objetivu hirak mensiona iha leten, tuir mai Governo Timor-Leste implementa programa espesifiku hanesan tuir mai:

  • Asegura setór defeza inklui F-FDTL atu hala’o serbísu ho professional no ekipadu diak, iha versatilidade hodi realiza misaun imporaente ho vokasaun ida atu partisipa ho ita nia esforsu tomak hodi garante estabildiade no dezenvolveimentu nasionál (PED 2020);
  • Halo revizaun no atualiza “Estudo Estratégico Força-2020” no redifini hikas planu dezenvolivmentu no konsolidasaun F-FDTL, liuliu haree bá setór prioridade sira ne’ebé identifika no estrutura iha dokumentu Planeamento Estratéjiku Defeza no Militar;
  • Implementa konseitu estratéjiku defeza no seguransa nasionál, inklui revizaun no aprovasaun tuir kuardu legal nian;
  • Elabora diretiva ministerial bá planeamentu no defeza militar, halo konsietu estratéjiku military hanesan misaun importante F-FDTL, Elaborar a diretiva ministerial de planeamento e defeza militara, o conceito estratégico militar, as missões das F-FDTL, ou sistema disposituvy forsa no propor lei programasaun militar nin para konsolida siklu planemanetu estratéjiku defeza;
  • Mellora infrastrutura halo instalasaun bá komponente hotu-hotu inklui báze prinsipal bá teritóriu no naval;
  • Planu estabelese akademia konjunta ida bá forsa defeza no forsa defeza seguransa;
  • Halo kontrusaun bá báiro Militar sira iha fatin ne’ebé diferente tuir nesesidade militar nian;
  • Dezenvolve estudu no planu investimentu konstrusaun Hospital Militar ida;
  • Forma F-FDTL ho apoiu ekipamentu ne’ebé sufisiente, ho material no armamentu ne’ebé kualidade tuir lei nasionál no internasionál ne’ebé mak vigora iha Timor-Leste;
  • Implementa polítika dezenvolvimentu integradu iha rekursu umanu iha setór defeza;
  • Mellora sistema teknologia informasaun no dezenvolve sistema komandu, kontrolu, komputador, komunikasaun no informasaun;
  • Hasa’e kapasidade komponente operasaional tereste no naval;
  • Estabelese Dota ida bá komponente naval ho meios ne’ebé adekuadu hodi kumpri no apoiu misaun prinsipal F-FDTL ninian;
  • Establese no kapasita autoridade marítima nasionál ho vizaun ida hodi asegura soberania espasu marítima, sub soberania, jurisdiasaun nasionál no defeza rekursu marítima;
  • Investe formasaun rekuru sivil no militar para asegura funsionamentu diak autoridade nasionál marítima;
  • Reforsa dezenvolvimentu Unidade Forsa Espesial;
  • Hahu halo komponente apoiu áereo para partisipa iha forma integradu defeza militar nasaun nian, halo patrulla bá espasu áereo nasionaál no partisipa iha misaun humanitáriu liuliu apoiu populasaun sivil;
  • Konsolida kooperasaun bilateral no multilateral iha area defeza, promove parseiru estratéjiku ho nasaun parseiru sira no kontirbui másimu bá dezenvolivmentu pás no estabilidade iha nivel nasionál no internasionál;
  • Kria oportunidade treinu no apoiu lojístiku para aumenta partisipasaun husi elementu F-F-FDTL iha operasaun manutensaun pás no operasaun Nasaun Unidas nian;
  • Reforsa kapasidade setór defeza em termu forma unidade engineria no saude para hala’o protesaun no apoiu populasaun;
  • Implementa Sistema Alerta Nasionál (SAN) no mellora kapasidade hodi responde bá dezastre naturais no kondisaun emergensia sira;
  • Promove hamutuk forsa (F-FDTL) no forsa Seguransa (PNTL) nune’e mós Seguransa Sivil halao ezersísiu hamutuk iha ámbitu Sistema Integradu Segurasa Nasionál;
  • Kontinua desenvolve medida hodi implementa asaun ne’ebé konduz prosesu atu reformasaun ida justu no dignu bá veteranus sira ne’ebé sei aktivu.

error: Content is protected !!