MAGAZINE MD#Edisaun_III#COMING SOON.

TL-Brazil Kontinua Hametin Relasaun Bilateral, Dezenvolve Setór Defeza

TL-Brazil Kontinua Hametin Relasaun Bilateral, Dezenvolve Setór Defeza

DILI: Ohin Ministru Defeza, BriGen (Ref) Filomeno da Paixão de Jesus simu vizita kortezia husi Embaxadór Brazil iha Timor Leste Sr. Maurício Medeiros de Assis, koalia kona-ba nasaun rua ne’e nia lasu amizade iha relasaun bilateral hodi dezenvolve di’ak liutan área defeza.

Iha sorumutuk ne’e parte rua deskute iha kontestu kooperasaun tékniku militár, kooperasaun bilateral husi nasaun rua ne,e hahú husi kapasitasaun ba polísia militar  F-FDTL, ho naran “misaun maubere”, ne’ebé nia misaun espesiál hodi fó asisténsia ba militár, espesialmente, ba formasaun no instrusaun ba polísia militár FFDTL.

Tanba Timór-Leste iha ona situasaun estabilidade polítika no dezenvolvimentu ba povu nia moris di’ak. Atu sustenta/ dezenvolve objetivu ida ne’e, husu nafatin tulun husi parseiru internasionál sira atu too iha objetivu ne’ebé ita hotu hakarak.

 Aproveita oportunidade ida ne’e, nasaun Brazil hanesan parseiru CPLP hodi partesipa iha Ezersisiu Militár hamutuk mós ho parseiru Estadus Unidus Amérika, Austrália, Nova Zelandia ho Japan.

Ba dadaun ne’e Timor Leste dezenvolve parseria iha setór Defeza nian di’ak tebes ho Brazil, Embaxador ne’e mós iha komitmentu tebes hodi haforsa bazeia ba planu VIIIGovernu konstitusional.

Iha enkontru ne’e Ministru Defeza apresia no agradese ba koperasaun país rua ne’e nian, iha vontade nafatin kontinua realiza koperasaun di’ak iha área Defeza nian.

Média MD

Deskulpa - Komentariu ami Taka

error: Deskulpa Kontent ami protected !!