MAGAZINE MD#Edisaun_II#Free download.

Governu Repúblika Populár Xina Kontinua Fó Apoiu bá F-FDTL

Dili: Ohin 13 Agostu 2018, Adidu Defeza Xina nian mai Timor-Leste, Col. Senior Huang Damin hasoru malu ho Ministru Defeza, Brigadeiro Jeneral Filomeno da Paixão de Jesus  hodi konfirma data chegada doasaun dapur móvel, sepatu, kama  no sasan seluk-seluk tán ne’ebé Governu Xina fó bá F-FDTL.  Antes ida ne’e, Adido Xina hato’o kongratulasaun Ministro Defeza Xina bá Birgadeiro Jeneral Filomeno da Paixão de Jesus kona-bá nia nomeasaun bá kargu foun hanesan Ministro Defeza Timor-Leste.

Iha okaziaun ne’e, Adidio Militar Xina informa bá Ministro katak, doasaun Governo Xinese nian bá F-FDTL sei to’o iha Porto Dili ho faze rua. Faze primeiru, iha 15 Augusto 2018 no faze segundu iha fulan Outubro 2018 nia laran. Faze dahuluk kompostu husi kareta dapur movel no faze segundu sasan seluk hanesan kama, botas, sapatu, nsst.

Durante sorumutuk ne’e, Adidu Defeza Xina Adidu Defeza mós lori karta konvite husi Ministru Defeza Xina nian bá Ministru Defeza TL hodi bá partisipa iha Beijing Xiangshan Forum ne’ebé sei hala’o iha Xina iha fulan iha loron 24-26 Outubru 2018. Forum ne’e rasik, hanesan forum altu nivel ne’ebé halibur Ministro Defeza no Generais sira hodi koalia kona-bá kooperasaun nivel bilateral no regional iha assuntu defeza no seguransa nian.

Ministro Defeza Brigadeiro Jeneral Filomeno da Paixão de Jesus, hodi Governo Timor-Leste nia naran hato’o agradese bá Governo Xina, liuliu apoiu ne’ebé forsa defeza hetan durante ne’e. Ministro Defeza rekonese katak, Governo ajuda buat bárak ona bá Timor-Leste, la’os deit doasaun ekipamentus maibé apoiu mós iha área infrastrutura no formasaun rekursu umanu. Ministro Defeza dezeju atu kooperasaun diak entre nasaun rua kontinua mantein no la’o diak. Iha  oportunidade ne’e mós Ministro Defeza afirma katak, nia rasik sei partisipa iha forum Beijing Xiangshan. Ministro lidera delegasaun husi Timor-Leste sei partisipa eventu refere.

Deskulpa - Komentariu ami Taka

error: Deskulpa Kontent ami protected !!