MAGAZINE MD#Edisaun_II#Free download.

PR Lú-Olo Inagura Monumentu Istoriku Labá-Lou Ossu

DILI: Iha loron 18 Agostu 2018 Prezidente Repúblika Francisco Guterres Lú-Olo inagura fatin istoriku ho naran Labá-Lou iha foho Watulawa Postu Administrativu Ossu Munisipiu Vikeke.

Monumentu refere ne’ebé simbolizado bálamusan harii iha foho Watulawa nia tutun hanaran Labá-Lou nu’udar parte husi memorializasaun bá rezistensia Timorense nian no fatin ne’e iha tempu rezistensia sai fatin protesaun dahuluk bá populasaun Ossu husi invazaun Indonézia iha tinan 1976, molok halai bá Uatulari hala’o reuniaun importante sira no sentru apoiu bá rezistensia, tanbá monumentu ida ne’ebé refleta luta naruk povu Timor oan hodi hamriik hasoru okupassaun Indonézia.

Labá-Lou nu’udar fatin istóriku bá Timoroan tanbá iha 15 Setembru 1995 lider FALINTIL hanesan David Alex Daitula, Falur Rate Laek, Maubuti, Rai-Ria, Haksolok no mós komadante sira seluk hamutuk ho apoiu husi klandestina ninian halo reuniaun verifikasaun serbisu rezistensia hodi hametin liu tan luta hasoru militar Indonézia, fatin ne’e mós sai sentru bá apoiu rezistensia lider bárak husi FALINTIL inklui Francisco Guterres Lú-Olo no Taur Matan Ruak uza fatin ne’e hodi hetan apoiu protesaun.

Prezidente Repúblika, apresia tebes ho inisiativa imajinasaun kreativu husi veteranu sira hamutuk ho komunidade hodi harii monumentu ida ne’e, ho nune’e fatin istoriku nu’udar parte ida halibur valores rezistensia ninian ne’ebé importante tebes atu hatutan husi jerasaun bá jerasaun, ho esforsu veteranus no populasaun sei halo sitiu istóriku bá harii relasaun sosiál entre membru komunidade sira ne’ebé hela besik ho visitante sira.

Ho nune’e Prezidente Repúblika hein katak inisiativa sira ne’e sei hetan apoiu liután husi Governu bele habelar partesipasaun komunidade iha setór turismu.

“Ha’u haksolok ho prezensa veteranus husi Austrália iha inagurasaun monumentu istoriku ida ne’e, nudar sinal bá relasaun ne’ebé metin liutan entre nasaun rua,”dehan Prezidente Repúblika Francisco Guterres Lú-Olo iha nia diskursu báinhira inagura fatin refere iha Suku Loihunu, Postu Administrativu Ossu, Munisipiu Vikeke Sabdu (18/08/2018).

Kobertura: Ligia Noronha

 

Deskulpa - Komentariu ami Taka

error: Deskulpa Kontent ami protected !!