MAGAZINE MD#Edisaun_II#Free download.

Adidu Defeza Portugal Informa Formasaun Akadémiku Áero

DILI: Adidu Defeza Portugal iha Timor Leste Señor Colonel Delfim Zambujo das Dores informa mai Ministru Defeza Brigadeiro Jeneral Filomeno da Paixão de Jesus kona-bá formasaun akademika área Áero ninian.

Objetivu husi formasaun refere atu kapasita FALINTIL-Forsa Defeza Timor Leste (F-FDTL) nune’e bele garante seguransa soberania nasaun ne’e iha futuru liuliu perparasaun bá forsa Áero nian.

Tuir planu ne’ebé relata husi Adidu ne’e katak, formasaun ne’e sei hala’o iha tinan oin 2019 iha Portugal, maibé formasaun ne’e ho karakter pakote signifika iha formasaun ida inklui pilotu, enzineria, ofisiais tékniku no mékaniku no durasaun bá formasaun hirak ne’e sei hala’o tinan neen (6) nia laran.

Kona-bá asuntu ne’e Ministru Defeza aseita tebes tanbá ne’e importante bá nasaun nune’e mós kapasita di’ak liu tan koñesimentu forsa Timor Leste nune’e mós aumenta rekursu humanu bá iha área ne’e, nune’e mós atu priense politika defeza nian iha seguransa tertoriu no espasu bá áero.

Alende ne’e mós iha Kinta-Feira 13 Setembru 2018, kompañia internasional Avilog Globál Ltd, mai halo aprezentasaun kona-bá aviaun Elikoptru militar nian. Kompañia refere mai halo mós promósaun kona-bá nia formasaun bá pilotu militar. 
Agora dadaun Ministériu Defeza halo hela estudu komparativu kona-bá formasaun bá pilotu militar, tambá ne’e Ministériu Defeza simu aprezentasaun husi kompañia oioin kona-bá pakote formasaun pilotu militar molok governu foti desizaun final kona-bá formasaun pilotu militar. Estudu komparativu nune’e hodi halibur dados atu nune’e bele ajuda governu foti desizaun final ida ne’ebé prudente no sustentável.

Ho nune’e Ministru Defeza hatete, maske iha programa governu kontinua tau preoridade bá instituisaun F-FDTL liuliu komponente Áero tanbá oras ne’e F-FDTL iha ona aviaun operasaun ida. “Komponente Áero loke ona, ami sei halo estudu, mak ita tenke hola elikopteru tolu (3),” dehan Ministru báinhira hetan entervista husi joranalista sira iha Salaun Ministériu Finansas báinhira partesipa enkontru jornada orsamentu 2019 Segunda (17/09/2018).

Tuir Ministru ne’e katak, aviaun ne’e laos atu halo funu maibé preoridade oinsa Ministru Defeza sei hatoo iha inkontru Konsellu Ministru mak sei deside, tanbá tuir planu instituisaun F-FDTL harii komponente Aero, ho nune’e kompañia Áero Dili oferese aviaun operasaun ida bá F-FDTL tanbá membru F-FDTL na’in tolu remata ona kursu bá pilotu nune’e na’in hitu (7) seluk remata ona kursu mekaniku bá aviaun nian. Ministru dehan, maske nune’e elikopteru nian presu ho montante boot, nune’e manutensaun mós sei susar tanbá ne’e governu sei tetu molok implementa atu sosa elikopteru tolu.

 


Kobertura: Ligia Noronha

Deskulpa - Komentariu ami Taka

error: Deskulpa Kontent ami protected !!