MAGAZINE MD#Edisaun_II#Free download.

Governu Sei Prepara Diretiva Kona-bá Komponente Áero

DILI: Tuir  programa VIII Governu konstitusionál liu husi Ministériu Defeza sei loke tan komponete Áero hodi fortefika parte F-FDTL maibé sei prepara diretiva bálun hodi nune’e bele nesesaria área ne’e.

Ministru Defeza Dr. Filomeno da Paixão de Jesus hatete, Primeiru Ministru Taur Matan Ruak hatún diretiva bá Ministériu Defeza (MD) kria planu báinhira Komponente Aéro estebelese presiza iha rekrutamentu espesífiku.

Tanbá ne’e Ministru mai halo diskusaun ho Xefe Governu kona-bá asuntu ne’e no iha tempu bádak Xefe Governu instituisaun F-FDTL harii komponente Áero. “Kona-bá rekrutamentu ita tenke espesífiku, ita bele dehan presiza seguru,”dehan Dr. Filomeno da Paixão bá jornalista sira, iha Palasiu Governu Sesta, (28/09/2018).

Ministru ne’e dehan, kona-bá asuntu ne’e sei preve orsamentu 2019 bá planu ne’e, tanbá iha program VIIIGovernu sita komponente Áero iha F-FDTL, relasiona planu sira ne’e mak Ministru husu Xefe Governu diretiva ida kona-bá asuntu ne’e rasik. Báinhira hala’o rekrutamentu bá komponente ne’e governu sei haruka membru sira ne’e iha kapaistasaun no formasaun iha akademia militár nune’e komponente ne’e rasik bele seguru liután.

Ministru haktuir, iha OJE 2019 Ministeriál Defeza hahú oinsá harii infrastutura bá Áero no rekursu umanu, lideransa no abilidade ho komponente seluk atu komponente ne’e iha progresu. Maibé antes ne’e, instituisaun F-FDTL haruka membru na’in 9 ne’ebé kompostu feto ida (1) mane na’in Ualu (8) hodi tuir formasaun Áero nian iha Filipina hahú 2011 to’o iha 2016.

Ema na’in tolu bá pilotu no na’in hitu mekániku nune’e mandate VII governu Kompania Áero Dili oferese Aviaun operasaun ida bá F-FDTL. Nune’e planu governu sei sosa elikopteru tolu bainhira instituisaun F-FDTL harii komponente Áero, nune’e fasilita serbisu operasaun iha territoriu tomák.


Ligia Noronha / MD

Deskulpa - Komentariu ami Taka

error: Deskulpa Kontent ami protected !!