MAGAZINE MD#Edisaun_II#Free download.

Dialogu Bilateral Defeza EUA-TL Hametin Lasu Amizade

DILI: Dialogu bilateral defeza ba dala-9 entre Estadus Unidus Amérika (EUA) ho Timor-Leste (TL), objetivu atu hametein lasu amizade entre país rua ne’e.

Ministru Defeza no Ministru Interior Interinu Brigadeiru-Jeneral (Ref) Filomeno da Paixão de Jesus liu husi nia diskursu katak, iha tinan 2002 EUA estabele ona relasaun diplomasia ho Timor hodi halo koperasaun serbisu.

“Relasaun bilaterál entre nasaun rua kobre área oin-oin hanesan seguransa nasionál, defeza, governasaun di’ak, ekonomia, saúde, edukasaun no setór sira seluk. Tanba ne’e mak BDD husik haʼu atu komprende oinsá ita nia kooperasaun bilaterál iha setór defeza,” dehan Ministru Defeza bainhira loke diálogu ne’e iha Salaun Auditorium F-FDTL Fatuhada Kinta-Feira (15/11/2018).

Iha fatin hanesan Embaixadora EUA Señora Kathleen  M. Fitzpatrick hatete, tinan ne’e Bilateral Defense Discussion (BDD) oportunidade ida atu hatudu Timor-Leste nia importansia iha estratéjia indopasifiku EUA nian no reafirma lasus bilateral ne’ebé forte.

“Ita nia nasaun rua halo ona progresu signifikante iha ita nia relasaun segurunsa bilateral no ita nia programa ezersisiu konjuntu ativu tebes,”dehan Embiaxadora EUA ne’e.

Señora Kathleen haktuir, haree ba nasaun rua ohin serbisu hamutuk hodi dezenvolve ho baze iha susesu ho nune’e tau iha hanoin katak objetivu prinsipal  mak atu estabelese interoperabilidade mutua no reforsa lasus amizade nasaun rua ne’e nian.

Kobertura: Ligia Noronha/Gil Barros

Deskulpa - Komentariu ami Taka

error: Deskulpa Kontent ami protected !!