MAGAZINE MD#Edisaun_II#Free download.

Governu Fó Sentidu Kondolénsia Ba Família Vítima

DILI: Kazu trajédia kulu-Hun de baixu hamate joven na’in tolu (3) no na’in lima (5) kanek todan ne’ebé hetan tiru husi oknum Polísia Nasionál Timor-Leste (PNTL) akontese iha loron 18/11/2018.

Ho kazu ne’e Primeiru Ministru Taur Matan Ruak bolu Ministru Interior Interinu Brigadeiru-Jeneral (Ref) Filomeno da Paixão de Jesus ho Komadante Jeral PNTL Komisáriu Julio da Costa Hornay hodi reprezenta VIII Governu nia naran hodi hato’o liafuan ruma ba familia vitima sira.

“Ba familia vitima hodi governu nia naran ami hato’o sentidu kondulénsia ne’ebé todan tebes, tanba akontese trajédia ne’ebé ita hotu la espera laiha ema ida mak planeia no hakarak,” dehan Ministru Defeza bainhira remata hasoru malu ho Xefe Governu hodi hala’o entervista ho jornalista sira iha Palásiu Governu, Segunda- Feira (19/11/2018).

Tuir Ministru Defeza ne’e katak, problema ne’ebé infrenta tenke ho ulun malirin governu liu husi Komisáriu PNTL ho Ministru Defeza hamutuk ho familia tuur koalia hodi kordena haree tuir mai fó asitensia ba iha família.

Tanba ne’e Komando PNTL hola ona medida ba individu PNTL ne’ebé deskonfia involve iha kazu refere hodi detein iha sala detensaun polísia nian hodi hein prosesu investigasaun ne’eb’e óras ne’e lao dadaun hela no Ministériu Públiku hato’o hato’o ba iha tribunal hola desizaun kona-ba kazu ne’e.

Hatan ba kestaun opiniaun públiku hodi ba kazu ne’e liu-liu utilizasaun armas Ministru haktuir,  ida ne’e nesesáriu tebes atu haree fila fali lejizlasaun hotu-hotu kona-bá PNTL hodi evita no iha tempu seluk labele akontese fila fali.

Kobertura: Ligia Noronha/ Gil Barros 

Deskulpa - Komentariu ami Taka

error: Deskulpa Kontent ami protected !!