MAGAZINE MD#Edisaun_II#Free download.

MD Konvoka Inkontru Ho ofisiais Superior PNTL – F-FDTL

DILI: Ministru Defeza no Ministru Interior Interinu  Brigadeiro General (ref) Filomeno da Paixão de Jesus iha Tersa-Feira 11 Dezembru 2018, konvoka inkontru jeral ho ofisias superior sira husi Polísia Nasionál Timor Leste (PNTL) hamutuk FALINTIL-Forsa Defeza Timor Leste (F-FDTL). Objetivu mak atu koalia kona-bá regras bainhira uza armas no forsa tuir regras no prosedimentu ne’ebé iha.

Liu husi diskursu Ministru Defeza no Ministru Interior Interino  hatete, iha inkontru dahuluk ho PNTL  iha loron 3 Dezmebru 2018 liu ba iha buat barak ne’ebé preokupa tebes tanba ne’e hanesan Ministru iha responsablidade hodi halo relatóriu eskrita ida ba Primeiru Ministru kona-ba kestaun sira liu-liu iha PNTL.

“Tanba forsa rua ne’e  ha’u mak tutela, ha’u nia pozisaun bolu forsa rua ne’e tuur hamutuk komesa husi jenerais no ofisiais sira husi F-FDTL hamutuk fó ideia ba malu kona-bá  regra empeñamentu utiliza arma, nune’e sira bele hatene bainhira mak uza kilat iha situasaun perigu,”dehan S.E Ministru Defeza iha Salaun Auditorium F-FDTL Fatuhada.

Tuir Ministru Defeza nia haree katak, durante ne’e balun PNTL balun uza armas tuir regras balun lae, ho ida ne’e mak bolu sira mai tuir reuniaun, ho nune’e  tenke unifomaliza, iha F-FDTL implemnta ona regras hirak ne’e nunka tiru arbiru tiru sae mos sukat.

Maibé iha PNTL sei fraku balun uza balun la uza, la uza mak konstui perigu boot ida ba komunidade, tanba ba festa labele lori kilat, ne’e ohin esplika klaru hotu ona ba sira bainhira mak uza kilat bainhira mak la uza.

“Inkontru ne’e laos dala ida de’it ha’u sei bolu tan atu hotu hotu simu buat ne’ebé fó sai husi dekretu lei, iha ne’e ba oin la kumpri mak laos de’it soldadu mak hetan kastigu maibé nia komadante mós hetan kastigu,”tenik Ministru.

Iha fatin hanesan diskursu Xefe Estadu Maiór Jeneral F-FDTL Jeneral Lere Anan Timur hatete, F-FDTL ho PNTL pilar importante ba seguransa establidade nasionál, tanba ne’e presiza konfiansa sé laiha mak ne’e sei la vale.

Tuir Xefe Estadu F-FDTL ne’e katak, uluk mak FALINTIL de’it organiza funu no la organiza povu Timor oras ne’e Timor lakon funu, signifika katak povu konfia nia liman kroat to’o agora.

“Agora ita muda de’it mak situasaun no konseitu PNTL ho F-FDTL, ne’e mesak Timoroan no ita mak ukun no ita mak komanda ita nia inan aman no maun alin sira, ita mak pilar nasaun nian ita mak tenke hatudu ezemplu kona-bá establidade ”tenik Xefe Estadu F-FDTL.

Jeneral F-FDTL ne’e hatete, Ministru Defeza konvoka reuniaun ne’e tanba iha problema balun liuliu iha PNTLatu kontrola kilat no probelam F-FDTL mak veteranus na’in 20 resin mak ba ona reforma balun mak sei hela iha ne’e .

Entertantu Komadante Jeral PNTL Komisáriu Júlio da Costa Hornay haktuir, agradese tebes ba Ministru Defeza inisiativa ne’ebé furak tebes hodi hala’o inkontru ida ne’e , esplika kona-bá lei sira tanba ne’e sai kestaun bo’ot ida ba komunidade no autoridade ne’ebé koalia kona-bá diretus humanus.

“Ida ne’e fó hanoin fila fali mai ita lei ida ne’ebé hamtuk ho ita hahú husi 2011 to’o mai agora, dalaruma ita serbisu barak ladun lee fó hanoin ba ita lembra fila fali oinsá uza forsa hodi fo hanoin fali ba komando iha nivél kraik oinsá implementasaun lei,” tenik Komadante Jeral ne’e.

Komadante Jeral PNTL ne’e dehan, ho hanoin hirak ne’e bele dezenvolve liu tan regras importante tuur hamtuk nafatin aserta lei sira ne’e halo didi’ak fó garantia ba membru sira ninia ezekusaun.

Inkontru refere hetan partesipasaun direita husi Xefe Estadu Maiór Jeneral F-FDTL Lere Anan Timur, Vice Xefe Estadu Maiór Brigadeiru Jeneral Falur Rate Laek, Sekretáriu Estadu ba Protesaun Sivil Señor Alexandrino Xavier Araújo, Komadante Jeral PNTL Komisáriu Júlio da Costa Hornay  ho nia Vice Komisáriu Faustino da Costa no mós ofisiais superiores tomák husi F-FDTL no PNTL, no mós funsionáriu sivil husi kargu xefias Ministériu Defeza no Ministériu Interior.

Kobertura: Ligia/ Gil Barros

Deskulpa - Komentariu ami Taka

error: Deskulpa Kontent ami protected !!