MAGAZINE MD#Edisaun_II#Free download.

PN Aprova OJE 2019 Alokadu Ba MD-MI

DILI: Iha Kinta-Feira Dezembru 2018, Parlamentu Nasionál (PN) liu husi diskusaun espesialidade ba Orsamentu Jerál Estadu (OJE) 2019  ne’ebé alokado ba Ministériu da Defeza inkluindu F-FDTL ho montante millaun US$ 31,309  aprova ho votus afavor 57 kontra 0 Abstensaun 7, no ba Ministériu Interior inkluindu PNTL montante millaun US$ 48,363 aprova ho votus afavor 54, kontra 0 no abstensaun  10.

 

Iha debate ba loron daualu (IX) lidera husi Prezidente Parlamentu Nasionál Sr. Arão Noe de Jesus akompaña husi Ministru Defeza no Ministru Interior Interinu Brigadeiru General (Ref) Filomeno da Paixão de Jesus hamutuk ho Sekretáriu Estadu Protesaun Sivil Alexandrino Xavier Araujo hodi hatan ba deputadu proponente sira nia preokupasaun.

Ho nune’e orsamentu ba Ministériu Defeza inkluindu F-FDTL koloka ba saláriu Vensimentu millaun US$10,063, Bens Servisus millaun US$,17,960, Transferensias Públikas 0, Kapital menor millaun US$3,286, Kapital Dezenvolvimentu millaun 0.  Ba Ministériu Interior inkluindu PNTL koloka mós ba Saláriu Vensimentu millaun US$, 22,463 Bens servisus millaun US$,22,449 Transferensias Públikas millaun US$ 600 Kapital menor millaun US$, 2,850 Kapital Dezenvolvimentu 0.

Durante diskusaun ba orsamentu ne’e deputadu husi bankada Fretilin sira kestiona kona-ba kria kondisaun ne’ebé di’ak  ba Unidade Polisia Fronteira (UPF) no mós kuziñeru ne’ebé tein hahan ba sira no haree mós ba osan han nian ne’ebé kada loron sira simu de’it US$2.50 centavus la sufisiente. Nune’e mós kona-bá postu PNTL iha Atsabe ne’ebé abandona no kazerna PNTL iha Ermera.

Iha mos kestaun balun kona-bá feto timoroan na’in hitu  (7) sira ne’ebé lori ba Xina agora dadaun detein hela iha imigarasaun ne’eba husu esforsu governu oinsá rezolve kestaun ne’e, iha tan kestaun balun kona-bá infrastutura nivél instituisaun PNTL-F-FDTL presiza tau matan,

Hatan ba kestaun hirak ne’e Ministru Defeza no Ministru Interior hatete, kona-bá alin feto na’in hitu (7) detein hela iha  imigarasaun Xina, Embaixada Timor-Leste iha ne’eba agora dadaun kordena ona ho autoridade Xineza sira hodi tenta rezolve fó solusaun ba situasaun ne’e.

“Ba alin feto sira ne’e adiante ona tempu badak bele fila ona, maibé iha mane ida mak sei responbeliza ba buat barak tanba nia mak mobeliza ita nia inan feton sira ne’e,”dehan Sr. Ministru ne’e hodi hatan ba preokupasaun deputadu sira iha knaar fatin Uma Fukun Parlamentu Nasionál.

Kestaun  Postu PNTL ne’ebé abandona Ministru Defeza ne’e esplika, postu ne’e dezde uluk la halo manutensaun to’o  agora, tinan ne’e iha duni preokupasdaun ba ida ne’e maibé limitasaun orsamentu ba área seluk no sei tau liu atensaun ba ekipamentus menor armas não leitais no orsamentu tuir mai mak haree fali ba infrastutura. Maibé husi nia parte mós halo ona entrozonamentu bainhira kontinua kaer nafatin área rua no F-FDTL iha enjineria barak bele tau matan ba postu Polísia nian.

Iha bibaban ne’e mós Sr. Ministru ne’e hatan responde ba  koziñeiru sivil ne’e hanesan mós iha F-FDTL iha ne’eba sira simu sira nia osan raízo sira la simu alimento sira simu osan no iha postu ne’eba sira rasik selu fali ita nia feton sira iha fatin tein ba sira no selu ho sira nia osan ida ne’e.

“Ita hanoin atu selu sira parte ida ne’e  ita tenke hanoin maibé abrazenti tenke to’o mós ba postu F-FDTL nian bele iha estandar no padaraun ne’ebe hanesan ita tenke hasai fali osan selu ba parte kulinaria no iha forsa iha polítika oin seluk ami hakarak rekruta koziñeiro para bele taka espasu ida ne’e,”tenik Sr. Ministro

 

 

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!