MAGAZINE MD#Edisaun_II#Free download.

MD Hala’o Vizita Ba RAEOA, Haree Kondisuan Postu PNTL – F-FDTL

DILI: Iha Kuarta-Feira semana kotuk  2/01/2019 Ministru Defeza no Ministru Interior Interinu Brigadeiru General (Ref) Filomeno da Paixão de Jesus hala’o vizita direita ba Reijaun Administrativu Espesiál Oekuse Ambenu (RAEO).

Objetivu husi vizita hodi haree direita kondisaun serbisu iha Postu Polísia Nasionál Timor Leste (PNTL) ho Komponente Falintil Forsa Defeza Timor Leste (F-FDTL).

Iha loron tolu (3) nia laran Ministru hala’o vizita ba fatin sira hanesan Kuartel Geral PNTL Munisipiu, Postu UPM, Postu BOP no mós Komponente Naval F-FDTL iha  Oekuse Vila Santa Rosa, no mós postu sira seluk hanesan  Postu Polísia Eskuarda Oesilo, Postu UPF iha Oesilo, OPS Suku Bobometo ho Postu UPF Leolbata.

Iha intervista Ministru ne’e hatete, durante nia vizita identifika difikuldade iha nivél Polísia ho F-FDTL no kapasidade liderensa, nune’e mós kestaun balun kona-bá infrastrutura, difikuldade iha terenu no mós preokupasaun balun kona-bá menus ekipamentus no buat seluktán.

Ho kestaun hirak ne’e Ministru  planu ona hodi propoin  orsamento ba iha 2020 atu bele hadi’a no dezenvolve forsa rua ne’e di’ak liután.

“Ami iha planu ona maibé 2019 ne’e iha limitasaun orsamentu, ita iha osan ituan atu hadi’a postu UPF, ha’u sei tur hamatuk ho Señor Jeneral Lere ho Komisariu Julio Hornay se bele utiliza formadu husi enjeneria F-FDTL nian hamutk ho UPF halo rehabilitasaun ba postu sira ne’e,”dehan  Ministru Defeza ne’e iha Kuartel Jeral PNTL Oekuse Kuarta-Feira (2/01/2019).

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!