MAGAZINE MD#Edisaun_II#Free download.

KM Deside Faustino- Mateus Lidera PNTL

DILI: Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus iha Kuarta-Feira 13 Marsu 2019, aprezenta lista úniku ne’ebé kompostu husi Komisáriu Faustino da Costa nu’udar Komadante Jerál no Superentedente Xefe Mateus Fernandes nu’udar Segundu Komadante Jerál, Konsellu Ministru deside ona pakote refere mak lidera Polísia Nasionál Timor-Leste (PNTL).

Hahú husi prosesu selesaun konsellu Superior PNTL aprezenta lista kandidatura rua mak lista ida kompostu husi Julio da Costa Hornay ho Afonso de Jesus no iha lista seluk mak Faustino da Costa ho Mateus Fernandes iha prosesu selesaun nian laran Ministru Defeza hili mak lista Faustino no Mateus.

“Pakote iha rua maibé ha’u hanesan Ministru Interior ha’u tenke te’in tasak mak lori aprezenta ba Konsellu Ministru atu deskuta, ha’u sei submete pakote ida de’it ba Konsellu Ministru,”dehan S.Exa Ministru Defeza bainhira hasoru malu ho Prezidente Repúblika Dr. Francisco Guterres Lú-Olo iha knaar fatin Palasiu Prezidensiál Bairo-Pite Tersa-Feira (12/03/2019).

Tuir S.Exa Ministru Defeza katak, selesaun ne’e haree ba ofisiál PNTL ne’ebé prienxe kondisaun atu bele sai Komadante Jerál. Kandidatu rua ne’e la mai husi ema liur, maibé mai husi Instituisaun PNTL laran tanba kriteria atu sai kandidatu mak hanesan ema ne’e ho nia atesedénsia mínimu tinan haat (4) asumu kargu Superentedente Xefe no hasai kursu kona-bá defeza no seguransa.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!