MAGAZINE MD#Edisaun_II#Free download.

PM Taur Bolu MD Esplika Dezenvolvimentu PNTL-F-FDTL

DILI: Iha Segunda-Feira horsehik 22/04/2019 S.Exa Primeiru Ministru (PM) Taur Matan Ruak bolu Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus hodi esplika kona-bá dezenvolvimentu Polísia Nasionál Timor-Leste (PNTL) ho FALINTIL-Forsa Defeza Timor-Leste (F-FDTL) durante ne’e.

Iha inkontru ne’e Ministru hato’o ba S.Exa Primeiru Ministru hodi koali’a liu parte Polísia nian kon-bá dezenvolvimentu suku relasionadu ho polísia sira ne’ebé destakadu iha suku laran ne’ebé hanaran Ofisial Polisia Suku (OPS).

Brigadeiru Jenerál (Ref) ne’e hatete, ho kestaun ne’e hanoin ona atu koloka polísia sira ho kondisaun sira hanesan kria uma ho eskritóriu ne’ebé ho kondisaun di’ak nune’e bele hala’o serbisu no mós kria fasilidade meius komunikasaun hodi bele komunika ba to Aldeia sira iha vontade integra komunidade sira nia susar.

“Agora dadaun ajuda ona ita mak nasaun Nova Zelandia ba iha polísia komunitária sira halo uma ba iha OPS maibé, ita labele intrega hotu ba iha Nova Zelandia ne’e ita nia rai ita mak tu’ur hodi hanoin oinsá mak atu halo fatin ba ita nia polísia sira ne’ebé koloka iha suku,”dehan S.EXa Ministru Defeza no Ministru Interior Interinu ba jornalista sira bainhira hasoru malu ho Primeiru Ministru iha knaar fatin Palásiu Governu.

 Ministru hatete, kona-bá F-FDTL atu haree ba parte reforma ne’ebé atu implementa iha polísia nian ida ne’e iha ona estratézia foun ne’ebé atu trasa, iha forsa militár iha ne’eba orden serbisu  ne’ebe balun lori ona mai aprezenta no ministru halo ona korije hodi hadia fila fali. Iha Ministériu Defeza iha ekipa boot ida hanaran forsa 2020 no iha polísia nian mak iha revizaun organika revizaun disiplinar no revizaun ba estatutu ida ne’e informa hotu ba Xefe Governu.

“Ha’u espera iha fulan Juñu prontu hotu ha’u lori mai iha konsellu Ministru hodi halo aprovasaun, tanba iha polísia muda buat barak kona-bá iha nia misoens kontinua polísia aktual ne’e ka ou bele muda fali nia misoens pozetivu tanba ita problema sustentabilidade sé ita iha polísia F-FDTL serbisu dupla iha instituisaun ida ne’e ita sei gasta osan barak liu ba iha ekipamentu ba trenu, tanba ne’e iha planeamentu komplementar integradu nune’e parte rua ne’e bele ajuda malu iha seguransa nian, haktuir Brigadeiru Jenerál (Ref) ne’e.

Kona-bá kestaun seguransa iha tasi liuliu parte kosta súl nian Ministru koalia ona ho Austrália iha tinan 2023 nasaun ne’e sei fó ró rua ba Timor Leste no sira mós kompromete sei hadia portu Hera nune’e ró refere bele mai para iha fatin ne’e.

Aleinde ne’e Ministru informa, kona-bá rekrutamentu PNTL sei laiha, maibé sei halo de’it rekrutamentu ba iha F-FDTL instituisaun ne’e mak fó formasaun hanesan edukasaun sidadania, edukasaun sivika, trenu estraga osan de’it tanba sira iha esperensia ona  depois ba forsa ne’ebé la permanente sira ne’e bele destaka fali ba iha Polísia laos kontratu hotu hasai fali sira ne’e labele

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!