MAGAZINE MD#Edisaun_II#Free download.

Membru PNTL Na’in 53 Tuir Formasaun Ofisiais Inspektur

DILI: Membru Polísia Nasionál Timor Leste (PNTL) hamutuk na’in 53 husi Munísipiu 13 kompostu Unidade hotu tuir formasaun kona-ba ofisiais inspektur nian durante fulan sia (9) nia laran.
Objetivu husi formasaun ne’e atu kapasita kualidade rekursu liu liu iha área ofisiais inspektur, tanba sei halo rejimi promosaun ba PNTL, husi parte ne’e bele dezenvolve di’ak liu tan instituisaun hodi garante mós seguransa iha nasaun ne’e.


Liu husi diskursu Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus hatete , kontestu ida ne’e mosu tanba nesesidade atu hasai kursu promosaun ba Ofisiál Inspetór ho finalidade PNTL husi sarjentu sira ho koñesimentu ne’ebé nesesáriu ba dezempeñu ba funsaun husi kategoria Ofisiál Inspetór.


Tuir Ministru Defeza no Ministru Interior ne’e haree katak, iha númeru inspetur nian sei insufisiente, tanba sira nia funsaun nu’udar komandante Pelotaun, Komandante husi Munisípiu no Komandante husi Seksaun iha Komando Munisipál. Tanba Kursu ida ne’e hetan apoiu kooperasaun téknika GNR Portugal nian.


“Ha’u hanoin kursu ne’e importante iha sistema formasaun PNTL, kursu tenke adota tuir ho aten-barani, profisionalizmu, ha ‘ u husu ba imi nia konsiensia tanba iha fulan oin mai iha serbisu barak imi atu halo, presiza imi hotu tenke estudu no aplikasaun pesoál ne’e. Tanba ne ‘ e, haʼu hakarak Kursu ida ne’e nia remata tenke susesu,” dehan S.Exa Ministru Interior Interinu bainhira prijidi serimónia ne’e iha Akademia PNTL Komoro, Segunda-Feira (24/06/2019).


Ministru Interior Interinu ne’e akresenta, materia ne’ebé sira aprende durante formasaun nian mak, Direitu fundamental, Direitu Administrativu, Polisiamentu Komunidade, Lei no seguransa Rodoviária, Planeamentu operasaun Polisiál, Étika no Responsabilidade Profisionál, Dixiplina.
Iha fatin hanesan Komadante Jerál PNTL Komisáriu Faustino da Costa haktuir, formasaun ne’e hanesan kursu dahuluk tuir planeamentu operasaionál formsaun ne’ebe iha, sei hetan teoria durante fulan sia (9) nia laran kontinua prátika iha terenu depende komando jerál mak termina.
“Iha kandidatu na’in 329 mak tuir seleksaun maibe iha 54  mak pasa maibé iha na’in ida mak hatama pedidu rejignasaun, no rekejitu hatete momos katak tenke sarjentu, minimu baixarelatu, sira iha idade labele liu 50,”tenik Komadante Jerál ne’e.


Komisáriu ne’e hatete, klaru ba oin tenke iha kontinuasaun tanba agora atu foti ba ajente ruma no ofisiál laos foti nonok de’it, maibé tenke liu husi formasaun.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!