MAGAZINE MD#Edisaun_II#Free download.

TL- Austrália Deskute Asuntu Setór Defeza

DILI: Governu Timor-Leste liu husi Ministériu Defeza inklui FALINTIL-Forsa Defeza Timor Leste (F-FDTL) hamutuk ho Governu Austrália liu husi ninia Embaixada iha Timor-Leste akompañia husi reprezentante delegasaun Primeiru Asistente Sekretáiu ba Polítika Internasionál, Ministru Defeza Austrália Señor Hug Jeffrey mai deskute kona-ba asuntu setór defeza nian.

Image/Gil


Objetivu husi enkontru ne’e mak kompromisu governu Austrália nian hodi hametin liután kooperasaun defeza ho Timor-Leste, hodi halo preparasaun ba kapasitasaun no infrastutura nesesáriu molok Timor-Leste simu ró patrulla ne’ebé Austrália sei fó ba Timor iha tinan 2023.


Embaixadór Austrália Señor Peter Roberts hatete, mai hala’o enkontru kona-ba área koperasaun defeza nian, Austrália iha komitmentu nafatin atu serbisu ho Timor Leste hodi suporta seguransa atu kontinua programa barak iha área treinamentu no seluktán nune’e bele suporta FALINTIL-Forsa Defeza Timor Leste (F-FDTL).


“Ha’u fiar katak koperasaun hanesan ne’e importante tebes tanba TL ho Austrália tenke kompleta malu, tanba Austrália nia seguransa mak Timor no Timor nia seguransa mak Austrália, ho nune’e presiza serbisu hamutuk hodi suporta malu,”dehan Señor Embaixadór Austrália ne’e iha Salaun Auditorium Kuartel Jenerál Fatuhada, Tersa-Feira (25/06/2019).


Embaixadór ne’e hatete, ohin koali’a kona-ba programa hotu-hotu iha área defeza inklui iha treinamentu iha Austrália, iha Timor inklui planeamentu Austrália nian hodi fornese ró patrullmanetu rua (2) ba Timor atu suporta seguransa tasi nian no mós kooperasaun seluk tan.


“Ha’u urgullu tebes reprezentante husi forsa defeza Austrália nian hamutuk na’in 29 serbisu iha Timor-Leste ho F-FDTL urgullu tebes ho relasaun ida ne’e,” tenik Señor Peter.


Treinamentu sira ne’ebé durante Austrália oferese mak hanesan, treinamentu iha área barak hanesan treinamentu baziku lian Ingles treinamentu atu suporta F-FDTL atu uza ró patrulla foun no seluk tan. Agora TL ho Austraia koali’a hamutuk atu suporta seguransa marítima tenke serbisu hamutuk hodi infrenta dezafiu.

Image/Gil


Iha fatin hanesan Xefé Inspeksaun F-FDTL Brigadeiru Jenerál Cornelio Ximenes Maubuti (Maunana) hatete, enkontru ida ne’e atu haforsa koopersaun hanesan apoiu ne’ebé Austrália fó, no inkontru ida ne’e ba dala 12 ona hodi koali’a kona-ba apoiu hodi reforma treinamentu bele sai professional liu tan iha área manutensaun pás nian inklui ró patrulla.


“Ha’u hanoin ida ne’e atu profesionaliza didi’ak ita nia forsa halo kopersaun hamutuk hodi hametin seguransa, ita mós tenke prepara an nune ró rua (2) atu mai bele hatene ona oinsá uza ró hodi halao seguransa ba tasi,”hatete Brigadeiru Jenerál Maunana.

Kobertura: Ligia Noronha / Gil Barros

Deskulpa - Komentariu ami Taka

error: Deskulpa Kontent ami protected !!