China Entrega Ekipamentus Militár Ba Governu TL

DILI: Governu China ohin  Kuarta-Feira entrega ekipamrntus militar  nian ba iha governu Timor-Leste hodi fasilita serbisu Falintil-Forsa Defeza Timor-Leste (F-FDTL), ekipamentus hirak ne’e mak hanesan botas  rihun 6, kama andar iha 3600, tenda militár  hamutuk 80, kaixa tau kilat fatin ho armariu 180.

Ministru Defeza no Ministru Interior Interinu  Brigadeiru Jenerál (Ref) Filomeno da Paixão de Jesus hatete, ida ne’e pedidiu antes husi governu anterior nian apoiu ida ne’e apoiu gratuita.

 “Ha’u haree apoiu ida ne’e avaliadu no baku ba osan ne’e hamutuk minimu  mak 3 milloes kuandu koalia valor komersiál bele han to’o 5 milloes,”dehan Ministru Defeza bainhira remata serimónia entrega ekipamentu iha salaun Auditorium Ministériu Defeza Fatuhada Kuarta-Feira (14/08/2019).

Ministru apelu ba iha membru forsa sira atu utiliza sasan sira ne’e ho kuidadu tanba governu atende problema barak laos atende de’it mak forsa militár sira, simu oferta ida ne’e sorti bo’ot tebes tenke kuidadu no uza ho didi’ak.

“Ha’u apela ba komando kuandu iha buat ruma la kuidadu no estraga entaun tenke halo  prosesu disiplinar obrigasaun,”tenik Ministru ne’e.

Iha fatin hanesan Xefe Estadu  F-FDTL Maijór Jenerál Lere Anan Timur  hatete, hodi forsa militár nian naran hato’o agrdesimentu ba governu China nia apoiu ba akipamentus lojistika nian, maibé  relasaun entre repúblika popular China ho Republika demokartaika Timor Leste laos relasaun bilitarál foun bainhira Povu Timor hasoru situsaun difisil China sempre fó apoiu solidaridade.

“Relasaun ida ne’e ha’u hanoin katak kestaun amijade China iha dever obrigasaun tenke apoia no suporta iha área hotu-hotu nunee’e povu ho nasaun ida ne’e moris iha progresu liu liu forsa armada,” tenik Xefe Estadu F-FDTL ne’e.

Iha serimonia entrega ofisializa husi Embaixadór Popular China mai Timor-Leste Xiao Jiangou ba Ministru Defeza no Ministru Interior Interinu Brigadeiru jeneral (Ref) Filomeno da Paixão de Jesus, asisti husi estrutura F-FDTL, Komadante Jerál Komisáriu Faustino da Costa, Sekretáriu Estadu Protesaun Sivil Alexandrino Xavier Araujo ho estrutura Ministériu Defeza nian.

Kobertura: Ligia Noronha/ Gil Barros

Deskulpa - Komentariu ami Taka

error: Content is protected !!