MAGAZINE MD#Edisaun_II#Free download#Coming Soon

Preparasaun Loron Konsulta Popular 30 Agostu, MDS Realiza Enkontru Ho Ofisiais PNTL

DILI: Relasiona ho eventu loron konsulta popular 30 de Agostu ne’ebé sei akontese iha semana ne’e, Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus, realiza enkontru urjente ho ofisiais Polísia Nasionál Timor Leste (PNTL).

Ministru Interior Interinu ne’e hatete, tanba eventu boot tolu ne’e importante ne’ebé sei selebra iha iha loron 30 Agostu konsluta popular nian no 20 Setembru loron INTERFET no adesaun Timor Leste ba ASEAN atu halo perparasaun husi parte seguransa nian.

“Eventu boot tolu ne’e importante tebes entaun ha’u mai koalia ho ofisiais polísia husi komisáriu tun ba ofisiais sira,”dehan Ministru liu husi entervista ho jornalista sira iha Sentru Formasaun Polísia  Komoro, Segunda-Feira (26/08/2019).

Ba dadaun ne’e komandu PNTL no F-FDTL kria liña koordenasaun seguransa hodi asegura seguransa ba bainaka sira ne’ebé governu Timor-Leste konvida ona.

Relasiona TL atu adere ba ASEAN Governante ne’e deklara, entre F-FDTL no PNTL atu tama ba ASEAN sedauk iha preparsaun ne’ebé sufsiente intermus formasaun no mós treinu hodi kapasita ofisiais sira antes atu tama.

“Ha’u honestu de’it tantu PNTL no F-FDTL atu tama ba ASEAN ita seidauk iha preparasaun sufsiente intermus formasaun, treinamentu balun iha ona maibé seidauk naton,  presiza liután formasaun hodi kapasita didi’ak ita nia ofisiais sira metin didi’ak mak ita tama ne’e kapás los,” tenik Brigadeiru Jenerál (Ref) ne’e.

Ho nune’e Ministru Defeza no Interior Interinu ne’e husu ba PNTL no F-FDTL tenke kria koopersaun di’ak ho autoridade no povu tomak hodi bele garante seguransa iha rai laran.

Maibé atu garante seguransa lao di’ak laos kestaun serbisu husi parte rua nian de’it maibé presiza kontribuisaun másimu husi povu,  líder partidu polítiku, tanba polísia nia serbisu lorloron mak tenke besik ho komunidade hansan amigo nune’e populasaun sira labele halo sala tanba sira toman ona ho imia.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!