MAGAZINE MD#Edisaun_II#Free download.

Ministru Defeza Relata Rehabelitasaun Aeroportu Baukau Ba PR

DILI: Ministru Defeza no Ministru Interior Interinu iha Janeru 2019 halo negosiasaun ho Estadus Unidus Amérika (EUA) hodi fó apoiu ba rehabelitasaun Aerportu Baukau, tanba ne’e Sesta- feira ohin  informa ba Prezidente Repúblika Dr. Francisco Guterres Lú-Olo ba asuntu ne’e.

Ministru Defeza no Ministru Interior Interinu Brig-Gen (Ref) Filomeno da Paixão de Jesus hatete liu husi entervista, aeroportu Baukau laos tipu komersiál maibé ne’e atu utiliza de’it ba iha apoiu umanitária nian hodi fó apoiu ba populasaun.

“Amérika hakarak ajuda halo aeroportu iha Baukau ne’e sei foti osan atu halo infrastutura, tanba aeroportu ne’e sei intrega totalmente ba ita laos atu intrega fali ba sira,”dehan Ministru Defeza ba jornalista sira iha Palásiu Prezidénsial Bairo-Pite Sesta- feira (18/10/2019).

Iha biban ne’e  Ministru Defeza informa, kona-ba mandatu Vise Xefe estadu Maiór-Jenerál F-FDTL Brigadeiru Jenerál Falur Rate Laek remata ona iha 1 Outubru 2019, maibé ministru defeza simu ona proposta husi Xefe Estadu Maiór-Jenerál F-FDTL Maijór Jeneral Lere Anan Timur ho opsaun tolu (3) ka haat (4) no sei hato’o proposta defenetivu ne’e ba Konsellu Ministru.

Alinde mandatu Vise Xefe Estadu governante ne’e mós relata kona-ba parte Polísia nian relasiona ho komando PNTL halo serbisu iha terenu,  relasiona ho asaun komandu hirarkia no kontrolu ne’ebé presiza hadia. Komando iha Dili sei fahe ba eskuadra no komadante ida sei responsabeliza ba área determinadu ida atu fasilita hakotu situasaun inseguransa ninian.

Ba dadaun ne’e finaliza ona proposta tolu hanesan lei organiku, estatutu no regulamentu disiplinar PNTL hein lori ba Konsellu Ministru.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!