MAGAZINE MD#Edisaun_II#Free download.

Ministériu Defeza Marka Audensia Plenaria Ho Komisaun B PN

DILI: Ministériu Defeza inklui Falintil-Forsa Defeza Timor-Leste (F-FDTL) iha Tersa-feira horsehik marka audénsia plenaria ho Komisaun B trata asuntu Defeza, Seguransa no Relasaun Externa Parlamentu Nasionál (PN) iha sala plenaria komisaun nian.

Objetivu husi enkontru ne’e, Ministériu defeza no Komisaun B partilla hanoin hamutuk hodi ba Orsamentu Jéral Estadu (OJE) 2019 nian no OJE 2020 nune’e orsamentu refere bele iha ninia benefisiu hodi garante seguransa iha nasaun ida ne’e.

Tanba imajen nasaun nian haree ba iha seguransa ho nune’e nesesaria tebes atu kria kondisaun ne’ebé adekuadu liu husi orsamentu ne’ebé alokadu, F-FDTL sai forsa ne’ebé professional no mak polítika Ministériu Defeza nian mak tenke forte hodi forsa ne’e bele avansa no medernu hanesan ho nasaun dezenvolvidu sira seluk.

Liu husi Plenanária komisaun ne’ebé prejide husi Prezidente Komisaun B Deputadu Aderito Hugo da Costa hamutuk ho ninia destintu deputadu sira hodi mai hamtuk ho Ministériu Defeza lidera husi Brig-Gen (Ref) Filomeno da paixão de Jesus hamutuk ho ekipa tékniku ministériu nian, akompaña mós husi parte F-FDTL ne’ebé lidera husi Xefe Estadu Maiór Jenerál F-FDTL Lere Anan Timor inklui ninia Vise Xefe Estadu Maior Jenerál Brigadeiru Jenerál Falur Rate Laek no ekipa hodi mai aprezenta planu no polítika Defeza iha OJE 2020 ne’eb’e sei debate iha tempu badak nia laran.

Iha biban ne’e Ministériu Defeza no F-FDTL aprezenta kona-ba ejekusaun orsamentu Jeral Estadu (OJE) 2019 no mós aprezenta previzaun OJE 2020, parte Komisaun B ho Ministériu partilla hanoin hamutuk hodi oinsá orsamentu ne’e bele iha ninia benefisiu ne’ebé sustentavel.

Bazeia ba relatoriu ne’ebé Média MD foti husi Portal Governu Transparensia publika ona, kona-ba ezekusaun OJE 2019 iha Ministériu Defeza katak, OJE ho Orijen alokadu ba MD ho montante $ 1,478,983,976.00, komprimisu sira, $99,945,141.52, obrigasaun sira, $124,293,157.15, atuál, $827,223,426.58, saldu $427,591,256.25 no total ezekusaun 64.3%.

Ministru Defeza Brig-Gen (Ref) Filomeno da Paixão de Jesus garante katak, ezekusaun OJE 2019 too fulan ikus Dezembru sei termina nia ezekusaun to’o porsentu 100.

“Ha’u fiar to’o Dezembru sei sa’e tuir tarjetu ezekusaun,” dehan Ministru Defeza ba jornalista sira bainhira aprezenta programa no orsamentu iha Uma Fukun Tersa-Feira (29/10/2019).

Kobertura: Ligia Noronha/ Gil Barros s

Deskulpa - Komentariu ami Taka

error: Deskulpa Kontent ami protected !!