MAGAZINE MD#Edisaun_II#Free download.

Vise Komandante Jerál Forsa Armada EUA Hasoru Malu Ho MD

DILI: Vise Komandante Jerál Forsa Armada, Maijór Jenerál Jhon “Pete” Jhonson, husi Estadus Unidus Amérika (EUA) nian iha Pasífiku, hasoru malu ho Ministru Defeza Brig-Gen (Ref) Filomeno da Paixão de Jesus iha sala kortezia Ministériu Defeza, Fatuhada, Dili (9/12/2019).
Iha hasoru malu ne’e, Ministru Defeza simu ho laran-ksolok General Johnson no agradese EUA ba apoiu bilaterál mai Timor-Leste.
Ministru Defeza ne’e mós informa, iha tinan ida ne’e, iha vizita oioin husi ofisiais no general senior sira husi EUA nu’udar konfiansa ida atu hametin liután koperasaun bilateral entre país rua iha setór defeza.

Ministru reitera iha 2020 bele iha posibilidade atu ba partisipa iha inkontru bilateral defeza ho EUA nian iha Amérika hodi bele diskuti no troka hanoin ho autoridade sira EUA nian kona-bá fortalesimentu relasaun bilaterál defeza entre Timor-Leste ho EUA.
iha oportunidade ne’e mós General Johnson, senti kontenti bele vizita Timor-Leste hodi bele aprende no rona kona-bá prioridade Timor-Leste nian liliu iha área defeza atu nune’e esforsu bilateral ne’ebé nia governu halo bele duni responde ba nesesidade ka prioridade defeza Timor-Leste nian. General Johnson mos informa katak alein programa parseria sira ne’ebé durante ne’e hala’o hela, EUA mos hakarak fó apoiu ba Komponente Terreste F-FDTL.


Ministru no General Johson konklui inkontru hodi agradese ba konfiansa mútua entre país rua no kompromisu hodi hametin liután parseria entre Timor-Leste no EUA. País rua sei aborda liután kestaun sira defeza nian iha Inkontru Bilateral Defeza ne’ebé sei hala’o iha 2020 iha Amérika.

Média MD


Deskulpa - Komentariu ami Taka

error: Deskulpa Kontent ami protected !!