MAGAZINE MD#Edisaun_II#Free download.

MD Halo Audiénsia Ho Komisaun B Deskute OJE 2020

DILI: Ministériu Defeza inklui F-FDTL marka audiénsia ho Komisaun B trata asuntu Defeza Seguransa no Negósiu Estranzeiru Parlamentu Nasionál, hodi deskute kona-ba proposta orsamentu Jerál estadu tinan 2020.

Iha audensia ne’e Ministeriu Defeza Brig-Gen (Ref) Filomeno da Paixão de Jesus hamutuk ho ekipa tékniku Ministériu nian inklui F-FDTL hodi aprezenta prosesu ezekusaun OJE 2019, no planu programa ne’ebé iha proposta OJE 2020 nia.

 “Ohin ami mai halo deskute ho Komisaun B hodi rona no esplika ba sira kona-ba orsamentu ne’e, ohin sira mós konkorda kona-ba redusaun ami halo ona  ba iha Ministeiru Defeza ho montante 17 milloes koa tiha 3 milloes, maibe F-FDTL de’it mak laiha redusaun, ” dehan Ministru Defeza ne’e ba jornalista sira iha Parlmentu Nasionál, Kuarta-feira (8/01/2010).

Tuir Membru Governu ne’e katak, Impaktu ba redusaun OJE 2020 ne’e ladun afeta boot, espera ho orsamentu ne’e iha debate bele pasa iha parlamentu

Bazeia ba ajenda, audiensia públika ne’e hala’o durante loron 5, inklui loron ida ba apresiasaun relatóriu husi loron 6 to’o loron 10 fulan Janeru no husi loron 10 to’o 14 fulan ne’e,aprovasaun no elaborasaun relatoriu husi komisaun C ne’ebé trata asuntu finansas públika. Hafoin ne’e sei kontinua diskusaun no votasaun iha faze jeneralidade durante loron tolu husi loron 15 too 17 no loron 10 ba diskusaun faze espesialidade husi loron 20 to’o 30 fulan Janeru tinan ne’e loron 31 fulan janeru ne’e sei iha redasaun final no envia ba Prezidente Repúblika.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!