MAGAZINE MD#Edisaun_II#Free download.

F-FDTL- PNTL Tenke Partisipa Iha Autoridade Marítima

DILI: VIIIGovernu Konstitusionál iha polítika prinsipal mak atu tau atensaun makas hodi esforsu dezenvolve Falintil-Forsa Defeza Timor-Leste (F-FDTL) no Polísia Nasionál Timor Leste (PNTL) hamutuk hodi partisipa iha autoridade marítima nune’e bele asegura seguransa.

Tanba fronteira marítima entre Timor- Leste no Austrália ne’ebé define klaru ona iha loron 30 Agostu 2019  tina kotuk, hafoin Primeiru Ministru (PM) Taur Matan Ruak ho Primeiru Ministru Austrália Scott Morrison ofisialmente troka ona nota diplomátika kona-ba tratadu ratifikasaun fronteira marítima.

Iha sorumutu ne’e S.E Ministru Defeza no Ministru interior Interinu ne’e, informa kona-ba dezenfolvimentu F-FDTL ho PNTL, ba Prezidente Repúblika Dr. Francisco Guterres Lú-Olo.

“Ita koalia liu kona-ba seguransa marítima oinsá forsa rua bele partisipa iha autoridade marítima no koalia mos kona-ba estratézia militár no konseitu estratézia polísia nian ba tinan 10,”dehan Ministru ne’e bainhira hala’o entervista ho jornalista sira iha knaar fatin, Palásiu Prezidensiál Bairu-Pite, (17/01/2020).

Tuir Membru governu ne’e katak, sei hatama forsa rua mak hanesan polísia marítima no mós forsa naval no sei tau tan komponente Aéreo ne’ebé iha komponenete naval nia okos serve para ba iha autoridade marítima.

Iha oportunidade ne’e mós S.E Prezidente Repúblika, apoiu tebes tanba klaru ona fronteira marítima ho Austrália tanba ne’e mak autoridade ne’e importante.

Kobertura : Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!