MAGAZINE MD#Edisaun_II#Free download.

Austrália Aprezenta Planu Konstrusaun Portu Naval Hera

 DILI: Iha loron Kuarta-feira 10 Juñu 2020 iha Baze Naval Hera, Ministériu Defeza ne’ebé lidera husi Diretor-Geral ba Administrasaun Nuno Santos hala’o konferénsia vídeo (virtual) ho Ekipa husi Programa Kooperasaun Defeza Austrália no Ekipa iha Canberra, Austrália. MDC Higínio das Neves, Komandante Komponente Naval CFR João da Silva no CFR Jacky, ekipa asesoria husi Ministériu Defeza mós partisipa mós konferénsia video ka virtual ne’e. 

Husi ekipa Programa Kooperasaun Defeza lidera husi Adidu Defeza Austrália iha Timor-Leste, akompañadu husi ekipa enjiñaria/assesoria iha Dili, ekipa tékniku Austrália iha Canberra no superior seluktan husi Governu Australianu partisipa mos iha aprezentasaun ne’e liuhusi video ka virtual de’it.

Ekipa téknika/enjiñaria Austrália nian halo aprezentasaun ida kle’an kona-bá dezeñu konstrusaun ba Portu Naval Hera, no parte rua halo diskusaun kle’an kona-bá dezeñu ba Portu Naval refere. Dezeñu refere hodi konstroi infrastrutura ba Ró Patrulla rua ne’ebé Austrália oferese ba Timor-Leste ne’ebé tuir planu sei ofisialmente entrega ba Timor-Leste iha tinan 2023. Konsrusaun Portu Naval Hera ne’e sai nu’udar pakote ida ho Ró Patrulla rua ne’e.

Tékniku husi parte rua Timor-Leste ho Austrália sei kontinua halo diskusaun ba dezeñu no konstrusaun Portu ne’e hodi garante kualidade no sustentabilidade husi projetu ida ne’e.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!