MAGAZINE MD#Edisaun_II#Free download.

Japan Kontinua Fó Apoiu TL Iha Setór Defeza

DILI: Nasaun Timor Leste hanesan nasaun foun, ne’ebé presiza tebes apoia husi nasaun sira ne’ebé dezenvolvidu ona, tanba ne’e liu husi lasu amizade, Japan kontinua fó apoia ba iha setór defeza nian hodi asegura seguransa nasaun ne’e nian.

Ho nune’e iha  loron Tersa-feira, 23 Juñu 2020, Ministru Defeza no Ministru Interior Interinu, Brig.Gen (Ref) Filomeno da Paixão de Jesus simu inkontru kortezia husi Embaixadór foun Japãun mai Timor-Leste, Sua Exelénsia Masami Kinefuchi iha kanaar fatin kuartel jeral Fatuhada, Dili.

Iha inkontru kortezia ne’e, Ministru hato’o agradesimentu kle’an ba apoiu tomak ne’ebé Japaun kontinua fó ba Timor-Leste liliu iha setór defeza. Iha biban refere, Ministru mos husu nafatin apoiu husi belun di’ak Japaun hodi kontinua dezenvolve no hametin liután setór defeza inklui F-FDTL.

Ohin, loron Tersa-feira, 23 Juñu 2020, Ministru Defeza no Ministru Interior Interinu, Brig.Gen (Ref) Filomeno da Paixão de Jesus simu inkontru kortezia husi Embaixadór foun Japãun mai Timor-Leste, Sua Exelénsia Masami Kinefuchi.

Iha biban ne’e mós Ministru husu apoiu Japaun nian iha área dezastre naturais, infrastrutura ba F-FDTL, formasaun no kapasitasaun ba F-FDTL iha akademia defeza nasional Japaun, oportunidade ba médiku forsa defeza Timor-Leste nian hodi ba frekuenta kursu espesializasaun iha Japaun, no apoiu iha fortalesimentu kapasidade Timor-Leste iha domíniu marítima. Ministru mos apresia ho aproximasaun no medida Japaun nian hodi kombate pandemia COVID-19.

Durante sorumutu ne’e Señor Embaixador louva esforsu ne’ebé Timor-Leste halo hodi prevene no kombate COVID-19. Embaixadór mos apresia ho progresu dezenvolvimentu ne’ebé Timor-Leste halo iha tinan 20 hafoin Restaurasaun Independénsia.Tanba  Japaun nu’udar parseiru Timor-Leste sei kontinua fó apoiu ba dezenvolvimentu Timor-Leste. Embaixadór mos agradese ba koperasaun di’ak husi Timor-Leste liliu apoiu Timor-Leste ba Japaun iha nível diplomásia internasional.

 Xefe Misaun ne’e mos informa , Japaun mak sai uma-na’in ba eventu internasional dahuluk iha tinan 1999 hodi mobiliza apoiu internasional ba Timor-Leste. Desde tinan ne’e, Japaun fó apoiu ba iha dezenvolvimentu infrastrutura Timor-Leste, kapasitasaun no formasaun ba kadetes F-FDTL iha akademia defeza nasional Japaun, kapasitasaun ba PNTL liliu iha polisiamentu komunitáriu. Japaun mos fó apoiu ba Timor-Leste iha prevensaun no kombate surtu pandemia COVID-19.

Ho oportunidade ne’e Señor Embaixadór informa nia sei hato’o ba nia-governu proposta koperasaun foun ne’ebé Ministru Defeza hato’o iha área seguransa marítima, kursu espesializasaun ba médiku F-FDTL iha Japaun no apoiu.

Kobertura Ligia & Gil

Deskulpa - Komentariu ami Taka

error: Deskulpa Kontent ami protected !!