MAGAZINE MD#Edisaun_II#Free download.

Forsa Naval EUA Kompleta Ona Projeitu Konstrusaun 100 Iha TL

DILI: Forsa naval husi Estadus Unidus Amérika (EUA), kontinua nia prezensa iha Timor-Leste dezde tinan 2009, ho rotasaun grupu enjinaria militar kada fulan neen (6) hodi apoia nasaun ne’e hadi’ak fasilidade Edukasaun no Postu Saude sira. Projetu Seabes ida ne’e, kompleta ona konstrusaun ba dala-100 ne’ebé forsa Naval EUA halo ona iha Timor-Leste.

Liu husi apoia ida ne’e Ministru Defeza Brig-Gen Filomeno da Paixão de Jesus kongratula ba EUA ne’ebé ho laran luak tebes hodi fó apoiu, ida ne’e hatudu tebes lasu amizade entre país rua ne’e di’ak liután iha futuru.

Iha diskursu Ministru Defeza hatete, agardese tebes ba apoia ne’ebé EUA fó liu husi konstrusaun eskola sira, ida ne’e hanesan pajina foun ida ba tempu naruk nia laran.

“Ha’u sente kontenti tebes, konstrusaun ba sala aula ne’e, nune’e ba estudante sira bele aprende ho ho di’ak liu tan iha ambinete ne’ebé seguru, ha’u mós lahaluha agardese ba embaxadora EUA iha Timor Leste Sra. Kathleen Fitzpatrick ba nia kolaborasaun hodi nafatin kontrola no fó atensaun ba projeitu refere,”dehan Ministru Defeza ne’e liu husi deskursu, iha eskola Ensino Baziku Sentral Fatumeta, Dili, Tersa-feira (23/06/2020).

Tanba ne’e governante ne’e mós akresenta, vizaun ba iha instituisaun F-FDTL ho Ministériu Defeza tenke aprende no aprende nafatin, aproveita didi’ak oportunidade ba formasaun sira ne’ebé iha nune’e dezemvolve di’ak liu tan setór ne’e.

Iha fatin hanesan Embaixadora Amérika iha Timor Leste Sra. Kathleen Fitzpatrick mós haktuir, ho pandemia global COVID-19, hanaruk grupu enjinaria Forsa Naval EUA ida ne’e ninia destakamentu no hamosu dezafiu uniku ne’ebé tenke solusiona. Atu reduz pessoal sira nia prezensa iha fatin konstrusaun, Forsa Naval Seabees halo kedas pre-montajen barak liu iha sira nia hela fatin.

“Ha’u haksolok tebes anunsia katak Forsa Naval EUA kompleta ona sira nia projetu ba dala-100 durante tinan sanulu sira nia servisu makas iha Timor-Leste. Forsa sira husi Konstrusaun Movel, Batallaun V, servisu ho laran 170 domini ha projetu ida ne’e, fasilidade foun ne’ebé fo apoia ho valor $163,000 no sei benefisiu alunu liu 1,300,”dehan Embaixadora Kathleen.

Liuhusi biban ne’e embaixadora ne’e informa, grupu Enjinaria atual Forsa Naval Seabees (Batallaun V – Konstrusaun Movel) sei husik Timor-Leste lakluer tan no sei troka husi (Batallaun III – Konstrusaun Movel) Grupu enjinaria ida ne’ebé atu mai sei emediatamente hahú konstrusaun ba sala eskola 3 iha Baucau ho estimasaun orsamentu $350,000.

Iha serimónia koa fita ba konstrusaun ne’e hetan partesipasaun husi, Ministru Defeza, Embaixadora EUA ba Timor-Leste, Eis Prezidente Jose Ramos-Horta, Ministra Edukasaun Dulce Soares, no Xefe Estadu Maior F-FDTL Koronel Coliati selebra projetu ba dala-100 husi Forsa Naval EUA iha Timor-Leste.

 Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!