MAGAZINE MD#Edisaun_II#Free download#Coming Soon

Xina Oferese Ekipamentus Prevensaun Covid-19 Ba MD-F-FDTL

DILI: Governu Repúblika Popular Xina, liu husi ninia Embaxada iha Timor-Leste oferese tan ekipamentus prevensaun Covid-19 ba Ministériu Defeza no FALINTIL-Forsa Defeza Timor Leste (F-FDTL).

Ekipamentus ne’ebé hetan husi duadores ne’e hanaran  anti epidemiku mak hanesan, maskara rihun ruanulu resin (26.00), oklu médiku rihun rua atus ida (2.100), protesaun médika satan ka telas disponivel rihun ida atus lima (1.500), roupa protesaun impremeaveis disponivel rihun lima atus ida (5.100), sepatu par kapa ba bota médika ribas rihun tolo (3.000), kaixa luvas disponivel tolunulu (30), termometru infraverrnellu ruanulu (20).

Ministru Defeza Brig-Gen Filomeno da Paixão de Jesus, hatete,sasan sira ne’e mai para atu kombate Kovid-19, sasan hirak ne’e mai ho ró, tanba ne’e mak tarde ituan, maske too ona iha ne’e TL laiha ona kazu Kovid, maibé esforsu nafatin atu labele hetan.

 “Amigus ne’ebé verdade mak amigu ne’ebé iha susar laran, ida ne’e hanesan manifestasaun husi ita nia amigu boot ida, Xina dezde inisiu kedas hatudu ona sira nia solidaridade ba ita liuhusi duasaun ne’ebé mai,” dehan S.Exa Ministru Defeza bainhira hala’o entervista ho jornalista sira iha knaar fatin, Kuartel Jeneral Fatuhada, Dili Kinta-feira (25/06).

Iha oprtunidade ne’e Embaxadór Republika Popular Xina iha Timor Leste Sr. Xiao Jinguo, haktuir, Xina sempre preokupa tebes ho dezenvolvimentu situasaun epidemia iha TL no apresia ho esforsu pozetivu no rezultadu efetivu ne’ebé governu iha luta hasoru epidemia ne’e.

Ho esforsu hamutuk husi governu no povu atual situasaun epidemia iha TL kontroladu ona, laiha kazu foun iha fulan rua no ikus laiha kazu ativu too agora.TL sai ona nasaun da ualu iha mundu ne’ebé non Covid-19 kongratula TL nia konkista.

“Xina nuudar nasaun primeiru ne’ebé fornese material ajuda TL, primeira haruka asistensia espesial husi avioens no maskara ne’ebé doasaun barak liu mai iha ne’e doasaun ida ne’e mai husi Xina hanesan ilustrasaun vida ida husi amizade profunda entre nasaun rua hatudu sentimentu lolos husi Xina”tenik Embaxadór ne’e.

Tuir Sr. Embaxador ne’e katak, Xina ho Timor-Leste no komunidade internasionál serbisu hamutuk iha espiritu harii komunidade ho fahe futuru ida ba umanidade, sei maneja atu halakon virus ne’e ho sedu posivel.

Ho nune’e Embaixada Xineza mos sei kontinua serbisu ho govemu Timor-Leste atu aprofundu kontinua troka kooperasaun iha área oin-oin entre nasaun rua ne’e. Espesialmente iha área saude, prevensaun epidemia no rekuperasaun sosioekonomiku, ba modu mantein seguransa no ema Timor oan  nia saude, atu benifisiu liutan ba nasaun rua no povu.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!