MAGAZINE MD#Edisaun_II#Free download.

MD Entrega Sertifikadu Apresiasaun Ba Adidu Militár Xina Colonel Huang

DILI: Ohin, Kinta-feira 9 Julllu 2020, Ministru Defeza Brig-Gen (Ref) Filomeno da Paixão de Jesus, entrega sertifikadu apresiasaun ba adidu militár Xina mai Timor Leste Sr. Colonel Huang iha edifisiu Ministériu Defeza Fatuhada, Dili.

Adidu Militár ne’e hala’o nia missaun iha Timor-Leste iha tinan haat (4 ) nia laran. Tanba iha tempu badak, Colonel ne’e sei fila fali ba Xina hodi kumpri fali missaun foun.

Iha enkontru despedida Adidu ne’e apresia tebes kooperasaun no kordenasaun di’ak husi Ministériu Defeza liliu ho lideransa di’ak husi Ministru Defeza Timor-Leste ne’ebé kontribui tebtebes ba hametin liután lasu amizade entre país rua iha setór defeza.

Col. Senior Damin relembra katak, durante nia misaun iha Timor-Leste, apoiu no asisténsia lubuk ona mak Xina fó ba Timor-Leste, no Xina komprometidu hodi kontinua sai belun di’ak Timor-Leste nian. País rua iha kompromisu hodi hametin no haboot liután parseria bilateral iha domíniu defeza nian.

Entertantu Ministru Defeza aproveita okaziaun ida ne’e hodi hato’o agradesimentu kle’an ba apoiu tomák husi Xina ba dezenvolvimentu forsa defeza Timor-Leste nian. Ministru hato’o apresiasaun boot ba lideransa, dedikasaun no profesionalizmu tomák husi Adidu Militár Xina ne’e.

Ho nune’e  Ministru mos reafirma, sei hametin liután parseria bilateral defeza entre Timor-Leste ho país belun Xina.

Sertifikadu apresiasaun ida ne’e tanba durante ne’e Colonel ne’e nia dedikasaun tomák ba kooperasaun bilateral defeza entre Timor-Leste ho Xina.

(Média MD)

Deskulpa - Komentariu ami Taka

error: Deskulpa Kontent ami protected !!