MAGAZINE MD#Edisaun_II#Free download.

La’o Tuir Ain Fatin Funu Na’in

“Kalan loron rai udan hadulas, funu nain falintil.
 Sei satan netik anin boot tasi nian
Funu nain falintil, halo tuir povu nia lian,
Tuba rai metin kilat iha liman
Ho neon no laran tomak
Funu nain falintil, atu halo fitun mutin,
Nabilan nafatin iha rai iha rai timór-lorosa’e
Hodi kilat iha limana rua, bele terus susar no hamlaha.

Aten boot atu halo funu ida, ba loron ida ita sei manán”  múzika husi funu nain FALENTIL ne’e deskreve  luta nain sira nia terus no susar hodi hetan ukun an. Ohin sira nia mehi sa duni realidade, fitun mutin iha bandeira RDTL, nabilan ona iha Timor-leste bainhira bandeira lulik RDTL nahe an iha rin besi asu.

Husi loron nia hakat ba fulan, husi fulan nia la’o ba tinan, la sente FALINTIL eziste hamutuk ho durante tinan 45 ona. Hori uluk kedan, Frente Armada sira nia lia fuan “POVU mak Bee no FALINTIL mak ikan”, lia fuan simples ne’e bele afirma povu nia importánsia durante prosesu libertasaun nasionál.

Iha loron Sábadu (08/08/20), dadeer san malirin, iha kuartél jerál F-FDTL Fatuhada Dili, Xefe Estadu Maiór F-FDTL Maijor Lere Anan Timur, orienta nia soldadu no funsionáriu ministériu defeza nian hodi forma, nune’e bele rona orientasaun husi komandu. Husi soladadu to’o komandantes firme hodi rona orden komandu, hanesan atu ba asalta inimigu.

Grupu Tour Falintil- Forsa Defeza Timor Leste (F-FDTL) hamutuk na’in 45 ho kareta no motorizada hala’o vizita hale’u Munisípiu 12 iha territóriu nasionál hodi la’o tuir ain fatin funu na’in sira nian, vizita mós fatin levantamentu istóriku sira hodi halo esplikasaun ba kada plaka ba membru F-FDTL.Tour FALINTIL ba tinan ida ne’e tema mak “Ho Espiritu FALINTIL, Prontu no Desididu Atu Serbi Interese Povu no Nasaun” Motor no karreta la’o tuituir malu, la’o haleu Timor hodi la’o tuir ain fatin FALINTIL nian hodi hatene kona-ba istória moruk FALINTIL nian.

Viazem dahuluk hahú husi Sabdu, loron 8 Augostu husi Muniípiu Dili (Kuartel Jeneral, Fatuhada) ba Munsípiu Bobonaru reprezenta FALINTL rejiaun IV. Iha reajiaun ne’e testemuña luta, konta esforsu FALINTIL sira nia esforsu ne’ebé hasoru inimigu hodi hadau timór-leste nia soberania husi soladadu indonesia sira.

 iha loron Domingo,  9 Augostu, ekipa kontinua nia viazem husi munuisípiu Bobonaru ba Manufahi- Betanu no kontinua kedan ba vizita fatin jardim heroi Ainaru, atividade ne’e reprezenta husi FALINTL rejiaun III.

Iha loron Segunda-feira, 10/08/20, viazem husi Betanu ba Vikeke-Krarás, vizita mós fatin rezisténsia Krarás. Krarás nudar zona ida iha munisípiu Viqueque ne’ebé koñesidu Aldeia-faluk  ka ho dalen indonesia “kampung janda” tanba durante okupasaun indonesia, militár indonesia sira oho hotu mane sira no husik hela oan kiak no feto faluk.

Inan faluk no oan kiak iha krarás mak sai sasin ba istória moruk be sira sente, realidade ne’e nudar fitar ida no sei la lakon iha moris tomak.

Hafoin iha krarás, iha Tersa-feira,11/08/20, ekipa husi Krarás ba Lautem-Iliomar ne’ebé reprezenta istória funu nian iha  rejiaun II. Iliomar oan nia luta mos hakerek iha livru luta ba ukun an nian, feto ran ferik no katuas, oferese sira nia oan hodi hetan liberdade.

Loron Kuarta-feira, 11/08/20, husi Lautem-Iliomar ba Postu Administrativu Tutuala, Suku Mehara, Aldeia-Poros, Munispiu Lautem, Iha reajiaun ponta Leste nian. Monumentu Falutxai nudar sasin monok ba levantamentu Txaivaca, monunetu ne’e mos nudar sasin ba eroi seluk husi ponta leste ne’ebe sosa nia ran no ruin ba ukun an. Luta nain nia luta iha ponta leste la ses husi rejiaun seluk nia luta, eroi nia luta iha fatin diferente maibé sira nia mehi nafatin kesi metin iha fuan ida deit “patria ou morte” mate ka moris ukun rasik ita rain.

Kinta-feira ekipa kontinua nia viazem husi Lautem-Poros, Baukau-Laga, Soba Gua Laivai no ensera iha Kuartel Jeneral Dili.

Tour ida ne’e lansa no ensera  husi Xefe Estadu Maior  Jeneral F-FDTL Maijor Jeneral Lere Anan Timur, akompaña husi Ministru Defeza Brig-Gen (Ref) Filomeno da Paixão de Jesus, no Vice Xefe Estadu maiór Jeneral F-FDTL Brigadeiru Jeneral Falur Rate Laek, hetan mós partesipa direita husi superiores husi komponente Naval, Komponente Apoiu Servisu, Unidade Polisia Militar, Sentru Formasaun Terrenu, no selk tan inklui ekipa tekniku Ministeriu Defeza nian.Kada munsipiu sira ne’ebé hetan vizita sei fó apoiu ai-han ba povu kbiit laek nain 40 fó tratamentu saude gratuita no apoiu mascara sosializa regra COVID-19.

Tuir Xefe Estadu Maiór Jenerál F-FDTL, Majór Jenerál Lere Anan Timur, katak, vizita ne’e hodi presta omenajen ba saudozu Don Boaventura no eroi Manufahi ne’ebe mate ba rai Timor-Leste, hanoin hikas saudozu sira nian luta kontra okupasaun Governu Porgués no Indonezia hodi lori Timor hetan nia independensia.

“Vizita ne’e ami atu fó valor ba ita nian eroi, hanesan Don Boaventura ninia istória no eroi sira seluk ne’ebé uluk mate ba rai ida ne’e. 20 fulan Agostu ne’e la’os atu relembra de’it FALINTIL nia luta, maibé relembra mos aswain Timor oan hotu-hotu nia luta” dehan Majór Jenerál Lere Anan Timur.      

Xefe Estadu F-FDTL ne’e hatete, ba tinan ne’e selebra ho eventu úniku la’o haleu munisípiu 12 hodi fó hanoin hikas ba membru sira atu hatudu nafatin sira nian patriotizmu defende Estadu no Povu tuir lei hodi lori nasaun ne’e moris hakmatek.

Veteranu tinan 24, Lere husu ba povu atu labele haree valor ai-han ne’ebe komandu F-FDTL oferese, maibe apoiu ne’e nu’udar jestu domin bo’ot atu tulun povu bele konsumu netik ai-han, tanba uluk funu durante tinan 24, povu mak oferese ai-han ba FALINTIL iha ai-laran to’o vila laran.

Aleinde tour iha mós atividade asaun karidade apoiu nesesidade baziku ba kbi’it laek kada Munisipiu sira ne’eb’e ekipa tour vizita nain 40 mak hetan  fó tratamentu saúde gratuita, apoiu maskra no sosializa regra sira prevensaun COVID-19.

“Loron 20 Agustu ne’e inportante ba ita nia hakarak independénsia, ha’u husu ba povu no joven sira, labele haluha loron ne’e, la bele hanoin mos katak ho pregu de’it mak ita ukun rasik-án, to’o iha pregu ne’e liu husi prosesu naruk.  FALINTIL la iha, pregu mos laiha no Fretilin la iha pregu mos la iha hotu”tenik Eis Girileirus reijaun I ne’e.

Durante tinan 24 nia laran, susar terus povu timór leba hamutuk, ,maske lakon inan no aman, maibé timoroan nafatin brani hodi hasoru kolonialista sira, tanba timoroan fiar, loron ida indonesia sai husi timór, sai ona realidade katak indonesia la ukun tan ona timór, hanesan knanuk Funu Nain niaa paragrafau ikus.

“Funu nain falintil, hanesan mos hori uluk,
hodi ran hodi isin, tahan nafatin kolonialista sira.
Rai tomak lahatodan ona maubere hotu sei hamriik
Falintil funu nain nudar onu, rai seluk sei la ukun ita”

Kobertura: Ekipa Média MD

Deskulpa - Komentariu ami Taka

error: Deskulpa Kontent ami protected !!