MAGAZINE MD#Edisaun_II#Free download.

PM Bolu MD-MNEK Deskute MoU EUA-Austrália

DILI:  Primeiru Ministru (PM) Taur Matan Ruak, iha Tersa-feira horsehik bolu Ministru Defeza Brig-Gen (Ref) Filomeno da Paixão de Jesus ho Ministra Negósiu Estranzéiru no Kooperasaun Sra. Adaljiza Magno, hodi deskute kona-bá nota Entendimentu ka Memorandu of  Understending (MoU) ho governu Estadus Unidus Amérika no governu Austrália.

Ministru Defeza esplika,  kona-bá memorandu sira atu halo ho EUA no Austrália, no kompañia privadu no mós duadores sira oinsá mak atu dezenvolve Aeroportu iha Baukau, no mós oinsá atu halo seguransa ba fronteira marítima iha Kosta Súl, iha mós  aspetu seluk mak haree ba iha F-FDTL.

“Ha’u hatoo liafuan ba PM, ha’u nia hanoin depois ami ho MNEK serbisu hamutuk ba iha MoU ne’e, ita ho Amérika ita iha entedimentu ida, iha ne’e falta de’it ona mak akordu ida depois nunee ita bele hatene sira nia intensaun saida atu governu ne’e bele hadia Aeroportu ne’e,” dehan Ministru Defeza bainhira hala’o entervista ho jornalista sira Palásiu Governu Tersa-feira (8/9/2020).

Maibé memorandu ho EUA ho Austrália seidauk, tanba ne’e agora deskute hela, kona-bá ho Austrália ne’e sei haree liu ba iha patroliamentu konjuntu ba iha Kosta Sul, ho EUA oinsá mak atu dezenvolve hodi hadia Aeroportu Baukau, ba dokumentu rua ne’e prosesu hotu.

Governu Amérika mós hatete ona objetivu hadia Aeroportu ne’e tanba atu ajuda F-FDTL iha ne’eba, tanba komponente ida destaka iha ne’eba atu faselita sira hodi bele halao ajuda umanitárian ba populasaun karik hetan dezastre ruma no mós bele fasilita mós vizilansia ba iha Kosta Sul, kona-bá rehabelitasaun ne’e rasik EUA apoiu orsamentu montante 10 millaun.   

Kobertura: Ligia Noronha / Gil Barros

Deskulpa - Komentariu ami Taka

error: Deskulpa Kontent ami protected !!