MAGAZINE MD#Edisaun_II#Free download.

PR Konvida Governu, Deskute Asuntu Fronteira

DILI:  Relasiona ho situasaun moras mundial COVID-19 ne’ebé oras ne’e dadaun ataka mundu, no sedauk iha solusaun, Prezidente Repúblika Dr. Francisco Guterres Lú-Olo, iha Kinta-feira ohin 10 Setembru 2020, konvida Governu hodi hala’o deskusaun ba asuntu fronteira ne’ebé oras ne’e dadaun ema tama sai ilegal barak.

Atu evita COVID-19 labele hadaet iha nasaun Timor-Leste, Xefe Estadu ne’e konvida Primeiru Ministru (PM) Taur Matan Ruak, Vise Primeiru Ministru no Ministru Planu Ordenamentu (VPMPO) Sr. José Maria dos Reis, Ministru Defeza, Sr. Filomeno da Paixão de Jesus, Ministra Negosiu Estranzeiru no Kopersaun Sra. Adalzija Magno,  deskute oinsá mak prevene tama sai ilegal para labele lori impaktu ba transmisaun COVID-19 ne’e ba sosiedade.

“Tanba ita hatene katak sira ne’ebé mai liu husi dalan ilegal ne’e dalaruma bele lori moras iha sira nia isin, ho nune’e Prezidente Repúblika preokupa ho situsaun ne’e,  konvida governu sira mai para deskute, hodi tau atensaun nune’e bele prevene moras ne’e,” dehan Xefe Casa Civil Prezidente Repúblika Sr.Francisco Maria de Vaz Conceilos, iha knaar fatin Palásiu Prezodesiál Bairu-Pite.

Xefe Casa Civil ne’e haktuir, ne’e mak governu tenke tau matan ba fronteira ne’eba para ema ne’ebe tama sai tenke buka hatene no tau sira ba iha karantina karik hetan moras labele transmisaun ba iha komunidade.

Tanba ne’e Governu fila ba deskute medidas tenke governu hola tuir Prezidente dekreta ona nune’e bele impoin regras ba iha sidadaun, bainhira tolera ida rua bele fó impaktu boot ba sosiadade tomák iha fronteira, tenke kontrola ema tama sai.

Prezidente Repúblika mos preokupa ba artemarsiais balun ba sae sabut iha Indonézia hodi tama sai ilegal, ne’e difisil atu kontrola tenke hola medidas ne’ebe forte hodi prevene liuliu ba transmisaun ba moras COVID19.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!