MAGAZINE MD#Edisaun_II#Free download.

MD Realiza Semináriu Inter-Ministeriál Asuntu Autoridade Marítima Nasionál

DILI: Ohin Kinta-feira 8 Outubru 2020, Ministériu Defeza liuhusi gabinete 2020, konvoka semináriu inter-ministeriál sira, hodi deskute kona-ba asuntu autoridade marítima nian ne’ebé antes ne’e Prezidente Repúblika Promulga ona iha 23 Setembru 2020.

Iha oportunidade ne’e Xefe Estadu Maior Jeneral F-FDTL Jeneral Lere Anan Timur hatete, koalia kona-ba asuntu ida ne’e liga ho interese nasionál, konvite ida ne’e objetivu atu mai tau hamutuk ideia hodi haree kestaun área ida ne’e, tanba autoridade marítima hanesan instituisaun ida no tenke iha mós sistema ida ne’ebé integradu.

“Ha’u hanoin meius hotu ne’e militar, maibé la signifika komponente naval militár de’it mak kaer, no agora saida mak presiza no sé mak atu halo parte ba marítima ne’e, sei iha buat barak ne’ebé sei falta, interministerial signifika hotu-hotu tenke involve iha laran hodi fó sira nia kontribuisaun,”dehan Xefe Estadu F-FDTL bainhira abertura ba serimónia ne’e iha Salaun Kuartel Jeral Fatuhada, Dili.

Tuir Jeneral ne’e katak, dokumentus no regulamentu mos sei falta tanba ne’e tur hamutuk halo oinsá mak atu monta sistema autoridade ne’e atu funsionam, tanba ne’e mak involve interministerial sira hodi tau hamutuk hanoin hodi sai ida de’it nune’e serbisu bele lao ba oin.

Labele halimar ho interese nasional tanba ne’e sagradu ida ne’ebé boot liu tanba ba nasaun no povu nia di’ak, autoridade maritima ne’e serbisu iha tasi agora nia sistema mak tenke di’ak nune’e instituisaun ne’e bele lao di’ak ho nia knaar no misaun.

Iha fatin hanesan kapitaun Mar de Guera Xefe Gabinete 2020 Higinio das Neves Nevel hatete, ho prezensa ministerial ne’e atu idak-idak haree ba nia knaar, no sei esplika ituan kona-ba diploma ne’ebé deside ona.

“Ita iha diploma legal rua ida mak komisaun asuntu mar ne’e ita nia Ministru Defeza no Ministériu relevante, sira ne’e mak deside politikamente tau orsamentu ba área ida ne’e”tenik Neves.

Ministériu Relevante ne’ebé haree ba asuntu ne’e mak hanesan, Ministériu Interior (MI), Ministériu Transporte Telekomunikasaun (MTK), Ministériu Agrikultura no Peska (MAP), Ministériu Justisa (MJ), Ministériu Finansas(MJ), Ministériu Petrolium Minerais (MPM) ho Ministériu Saude (MS).

Kobertura: Ligia Noronha/ Felix manuel

Deskulpa - Komentariu ami Taka

error: Deskulpa Kontent ami protected !!