MAGAZINE MD#Edisaun_II#Free download.

Ministru Defeza Sai Orador Ba Debate Impaktu Covid-19 Iha TL

DILI: Governu liu-husi Ministériu Negosiu Estranzeiru no Koopersaun (MNEK) loke debate publiku ho tema kona-ba dezafiu estratéziku husi impaktu COVID-19 ba dezenvolvimentu Nasionál no Oportunidade, no Ministru Defeza Brig-Gen (Ref) Filomeno da Paixão de Jesus sai mós orador ba debate ne’e.

Objetivu halo refleksaun hodi hatoo ba publiku informasaun kona-ba polítika publika ne’ebé VIIIgovernu Konstitusionál halao hodi prevene Covid-19 ho dezafiu sira ne’ebé hasoru durante periodu COVID-19 no poscovid iha setór saude, ekonomia, defeza seguransa no relasaun internaisonais.

Iha debate ne’e Ministru Defeza esplika kona-ba, auto avaliasaun serbisu liga ho Covid-19 liu-liu nia impaktu ba Timor Leste nia defeza no seguransa,  durante ne’e nunka hetan treinu ba ida ne’e hodi hasoru pandemia, maibé iha misaun espesifika ida ba F-FDTL koloka iha fronteira oinsá fó seguransa. Iha primeiru Estadu Emerzensia Xefe Estadu Maijor Jeneral Lere Anan Timur foti kedas medidas konkretas hodi lokaliza forsa ba iha área importante sira hodi fó apoiu mediatu ajuda polísia, ba fatin estabelesimentu postu sira iha teritotrium no iha tasi mos fo ordem ba iha komponente naval kordena di’ak ho Uinidade Polísia Marítima haree ba movimentu ilegal iha tasi.

Iha sala situasaun organizasaun krize F-FDTL hola parte hodi fó apoiu totál  ba iha setór saude, mobilidade no seluk tan. F-FDTL mós halao komunikasaun di’ak ho setores hotu liuliu PNTL ne’e haree ba iha setór komando operasional nian.

Iha fatin hanesan Ministra Negosiu Estranzeiru no Kooperasaun (MNEK)  Adaljiza Magno haktuir, dezde Covid19 tama iha Timor  MNEK halo esforsu para hodi halo koneksaun ho ministeriu relevante para oinsá halo mobilizasaun hodi fó subsiudiu ba bolseiru sira.

“Ami halo aviza ba embaixada sira iha rai liur atu halo kontrolu ba sira ne’ebé hela iha liur nune’e ami bele simu relatoriu maibé grasas desus ate agora Timoroan ida sedauk mate ba pandemia ne’e,”tenik Governante ne’e.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!